സാൽമിയ: കുവൈത്ത് കേരള ഇസ്‌ലാഹി സെന്ററിന്റെ കീഴിൽ റുമൈത്തിയ ദാറുൽ ഖുർആനിൽ പ്രവർത്തിച്ചു വരുന്ന ഇസ്‌ലാഹി മദ്‌റസയുടെ പി.ടി.എയുടെ പുതിയ അദ്ധ്യയന വർഷത്തിലെ ഭാരവാഹികളെ തെരഞ്ഞെടുത്തു. സജീബ് എം.കെ (പ്രസിഡന്റ്), ശിയാസ് മുവാറ്റുപുഴ, മുസ്തഫ പാടൂർ(വൈസ് പ്രസിഡന്റുമാർ), ശബീബ് സ്വലാഹി (സെക്രട്ടറി), സാലിഹ് മുണ്ടക്കൽ (ട്രഷറർ). കൂടാതെ വിവിധ ഏരിയാ കൺവീനർമാരായി അബ്ദുൽ റസാഖ് (ശർഖ്), ശിറാസ് (മൈദാൻ ഹവല്ലി), മുജീബ് റഹിമാൻ (ഹവല്ലി), ഫൈസൽ കീഴൽ, മുജീബ് റഹിമാൻ.കെ (സാൽമിയ), ഹസ്സൻ കോയ (സൽവ), സലീം സി.ടി (സുർറ) എന്നിവരെ തെരഞ്ഞെടുത്തു. ഇസ് ലാഹി സെന്റർ വിദ്യാഭ്യാസ സെക്രട്ടറി മുഹമ്മദ് അസ്‌ലം കാപ്പാട്, മദ്‌റസ പ്രധാന അദ്ധ്യാപകൻ സൈതലവി സുല്ലമി എന്നിവർ തെരഞ്ഞെടുപ്പിന് നേതൃത്വം നൽകി. പി.ടി.എ വൈസ് പ്രസിഡന്റ് ആശിഖിന്റെ അദ്ധ്യക്ഷതയിൽ ചേർന്ന യോഗത്തിൽ അഷ്‌കർ സ്വലാഹി ഉദ്‌ബോധന പ്രസംഗം നടത്തി.