ശ്രദ്ധേയമായി 'റമദാൻ ക്വസ്റ്റ്' മെഗാ ലൈവ് ക്വിസ്* ദോഹ റമദാൻ മീറ്റിനോടനുബന്ധിച്ച് സംഘടിപ്പിച്ച റമദാൻ ക്വസ്റ്റ് മെഗാ ലൈവ് ക്വിസ് ഏറെ ശ്രദ്ധേയമായി. മെഗാ ക്വിസിൽ അബ്ദുറഹീം, കാമിൽ, ഇഹ്ജാസ് അസ്ലം എന്നിവർ യഥാക്രമം ഒന്ന്,രണ്ട്, മൂന്ന് സ്ഥാനങ്ങൾ നേടി വിജയികളായി. കഹൂത് പ്ലാറ്റ്‌ഫോം വഴി നടത്തിയ ലൈവ് ക്വിസ് പങ്കെടുത്തവർക്ക് വേറിട്ട അനുഭവമായി.

റമദാൻ, ഖുർആൻ, ഇസ്ലാമിക ചരിത്രം, മുസ്ലിം ലോകം എന്നീ വിഷയങ്ങളിൽ പൊതുജനങ്ങൾക്ക് ഇസ്ലാമിക വിജ്ഞാനം പകർന്ന് നൽകുകയെന്ന ലക്ഷ്യം മുൻനിർത്തി സംഘടിപ്പിച്ച ക്വിസിൽ ഖത്തറിന്റെ വിവിധ ഭാഗങ്ങളിൽ നിന്നായി 200ലധികം യുവാക്കൾ പങ്കെടുത്തു. അലി അജ്മൽ, റഷാദ് മുബാറക് എന്നിവർ മത്സരം നിയന്ത്രിച്ചു.