ആലപ്പുഴയിൽ നടന്ന പൊലീസ് ലാത്തിചാർജ്ജിൽ അതീവഗുരുതരമായി പരുക്കേറ്റ് ചികിത്സയിൽ ആയിരുന്ന യൂത്ത് കോൺഗ്രസ്സ് ആലപ്പുഴ ജില്ലാ ജന:സെക്രട്ടറി ശ്രീമതി: മേഘരാജിന് ഓ ഐ സി സി ഇൻകാസ് യൂത്ത് വിങ് ഖത്തർ പ്രഖ്യാപിച്ച ചികിത്സാധനസഹായം കൈമാറി. ആലപ്പുഴയിൽ ഇന്നലെ തെരെഞ്ഞെടുപ്പ് പ്രചരണാർത്ഥം സംഘടിപ്പിച്ച യുവജന റാലിക്ക് ശേഷം നടന്ന ചടങ്ങിൽ ഓ ഐ സി സി ഇൻകാസ് ഖത്തർ യൂത്ത് വിംഗിന്റെ ധനസഹായം യൂത്ത് കോൺഗ്രസ്സ് അഖിലേന്ത്യാ പ്രസിഡണ്ട് ബി വി ശ്രീനിവാസും, യൂത്ത്‌കോൺഗ്രസ്സ് സംസ്ഥാന അദ്ധ്യക്ഷൻ രാഹൂൽമാങ്കൂട്ടത്തിലും ചേർന്ന് ഒ ഐ സി സി - ഇൻകാസ് ഖത്തറിന്റെ സംഘടനാ ചുമതലയുള്ള ജനറൽ സെക്രട്ടറി ശ്രീജിത്ത് എസ് നായരിൽനിന്നും ഏറ്റുവാങ്ങി.

ചടങ്ങിൽ സംസ്ഥാന യൂത്ത് കോൺഗ്രസ്സിന്റെ ചാർജ്ജ് വഹിക്കുന്ന അഖിലേന്ത്യാ ജനറൽ സെക്രട്ടറി ശ്രീമതി പുഷ്പലത സി വി, യൂത്ത് ലീഗ് സംസ്ഥാന പ്രസിഡണ്ട് ശ്രീ പി കെ ഫിറോസ് എന്നിവർ പങ്കെടുത്തു.രാജ്യത്തിന്റെ ഭാവി നിർണ്ണയിക്കുന്ന ഈ പൊതുതെരെഞ്ഞെടുപ്പിൽ പ്രവാസികളുടേയും അവരുടെ നാട്ടിലുള്ള കുടുംബങ്ങളുടേയും വോട്ടുകൾ പ്രത്യേകിച്ച് കേരളത്തിൽ വളരെ വിലപ്പെട്ടതാണെന്നും അവരുടെ വോട്ടുകൾ കൃത്യമായും യു ഡി എഫ് സ്ഥാനാർത്ഥികൾ നല്കി വൻ ഭൂരിപക്ഷത്തിൽ വിജയിപ്പിക്കണമെന്നും അഖിലേന്ത്യാ യൂത്ത് കോൺഗ്രസ്സ് പ്രസിഡണ്ട് അഭ്യർത്ഥിച്ചു.

ലോകസഭാ തെരെഞ്ഞെടുപ്പു പ്രചാരണ പ്രവർത്തനങ്ങളിൽ പങ്കാളികളാകാൻ വിദേശത്ത് നിന്ന് ധാരാളം പ്രവർത്തകർ എത്തിച്ചേരുന്നുണ്ടെന്നും, ഓ ഐ സി സി ഇൻകാസ് ഖത്തർ പ്രവർത്തകരുടേയും, യൂത്ത് വിങ് പ്രവർത്തകരുടേയും സജീവമായ പങ്കാളിത്തം കേരളത്തിൽ എല്ലാമണ്ഡലങ്ങളിലും വലിയതോതിൽ ഉണ്ടെന്നുള്ളതും അത് പ്രവർത്തകർക്ക് കൂടുതൽ ആവേശവും, കരുത്തും പകരുന്നുവെന്നുള്ളതും കേരളത്തിൽ മുഴുവൻ മണ്ഡലങ്ങളിൽ പ്രചാരണപരിപാടികളിൽ പങ്കെടുക്കുന്നതിനാൽ നേരിൽ മനസ്സിലാക്കിയെന്നും യൂത്ത്‌കോൺഗ്രസ്സ് സംസ്ഥാന പ്രസിഡണ്ട് ശ്രീ രാഹൂൽ മാങ്കൂട്ടത്തിൽ പറയുകയും .അത് അഖിലേന്ത്യാ യൂത്ത് കോൺഗ്രസ്സ് അധ്യക്ഷനു മനസ്സിലാക്കി കൊടുക്കുകയും ചെയ്തു. തുടർന്ന് ഓ ഐ സി സി ഇൻകാസ് ഖത്തറിനോടും, യൂത്ത് വിംഗിനോടുമുള്ള അഖിലേന്ത്യാ യൂത്ത് കോൺഗ്രസ്സ് കമ്മിറ്റിയുടെ നന്ദിയും , അഭിവാദ്യങ്ങളും അഖിലേന്ത്യാ പ്രസിഡണ്ട് ബി വി ശ്രീനിവാസ് ചടങ്ങിൽ അറിയിച്ചു. ചടങ്ങിൽ പങ്കെടുത്ത മുഴുവൻ നേതാക്കൾക്കും പ്രവർത്തകർക്കും ഓ ഐ സി സി ഇൻകാസ് ഖത്തർ സെൻട്രൽ കമ്മിറ്റിയുടേയും, യൂത്ത് വിങ് സെൻട്രൽ കമ്മിറ്റിയുടേയും പ്രത്യേകം നന്ദി ജനറൽ സെക്രട്ടറി ശ്രീജിത്ത് രേഖപ്പെടുത്തി.