കൾച്ചറൽ ഫോറം ഖത്തറിന് കീഴിലെ വളണ്ടിയർ വിഭാഗമായ ടീം വെൽഫെയർ ഇന്ത്യയുടെ എഴുപത്തി ആറാമത് സ്വാതന്ത്ര്യ ദിനം ആഘോഷിച്ചു.

ആസാദി കാ അമൃത് മഹോത്സവിനോട് അനുബന്ധിച്ചു സംഘടിപ്പിച്ച ആഘോഷ പരിപാടി കൾച്ചറൽ ഫോറം വൈസ് പ്രസിഡന്റ് മുഹമ്മദ്കുഞ്ഞി ഉദ്ഘാടനം ചെയ്തു. അഭിമാനകരമായ സംസ്‌കാരവും ചരിത്രങ്ങളും ഉള്ള രാജ്യമാണ് നമ്മുടെ ഇന്ത്യയെന്നും ദാർശനിക വൈവിധ്യത്താൽ സമ്പന്നമായിരുന്ന ഇന്ത്യയുടെ ഗ്രാമാന്തരങ്ങളിൽ നിന്ന് പോലും സഹിഷ്ണുതയുടെയും മാനവ മൈത്രിയുടെയും മഹാഗീതങ്ങൾ ഉയർന്ന കാലത്തിൽ നിന്ന് ധ്രുവീകരണവും ശിഥില ചിന്തകളും ഉയർന്ന് വരുന്നെങ്കിൽ സൗഹാർദ്ദത്തിന്റെ പ്രതിരോധം തീർക്കണമെന്നും അദ്ദേഹം പറഞ്ഞു

ഇന്ത്യൻ സ്വാതന്ത്ര്യ ചരിത്രം ഉൾകൊള്ളിച്ചു കൊണ്ടുള്ള ക്വിസ്, ദേശ ഭക്തിഗാനം തുടങ്ങിയവ അരങ്ങേറി. കൾച്ചറൽ ഫോറം ജനറൽ സെക്രട്ടറി മജീദലി, ടീം വെൽഫെയർ ക്യാപ്റ്റൻ സഞ്ജയ് ചെറിയാൻ, വൈസ് ക്യാപറ്റന്മാരായ നിസ്താർ എറനാകുളം ഫഹദ് മുഹമ്മദ്, ഫാത്തിമ തസ്നീം തുടങ്ങിയവർ സംസാരിച്ചു.