ദോഹ : ഖത്തർ കെ.എം.സി.സി മങ്കട മണ്ഡലം കമ്മിറ്റിയുടെ 2022 - 2025 കാലയളവിലേക്കുള്ള പുതിയ ഭാരവാഹികളെ തെരഞ്ഞെടുത്തു. ഖത്തർ കെ.എം.സി.സി ഹാളിൽ നടന്ന ചടങ്ങ് ഖത്തർ കെ.എം.സി.സി സംസ്ഥാന പ്രസിഡന്റ് എസ്.എ.എം ബഷീർ ഉദ്ഘാടനം ചെയ്തു.
മണ്ഡലം പ്രസിഡന്റ് പി. മുഹമ്മദ് ഷരീഫ് അദ്ധ്യക്ഷത വഹിച്ച ചടങ്ങിൽ മാപ്പിളപ്പാട്ട് ഗവേഷകനായ ഫൈസൽ എളേറ്റിൽ ചടങ്ങിൽ മുഖ്യാതിഥിയായിരുന്നു.
വി. ഇസ്മായീൽ ഹാജി, കെ. മുഹമ്മദ് ഈസ, വി. അബ്ദുൽ അക്‌ബർ, കോയ കൊണ്ടോട്ടി, എന്നിവർ സംസാരിച്ചു. ഇ.സി ഖമറുസമാൻ സ്വാഗതവും ട്രഷറർ കെ. അബൂബക്കർ സിദ്ധീഖ് നന്ദിയും പറഞ്ഞു.
ഭാരവാഹികളായി പി. മുഹമ്മദ് ഷരീഫ് (പ്രസിഡന്റ്), കെ. ആഷിഖ് വെള്ളില (ജനറൽ സെക്രട്ടറി) നൗഫൽ കുറുവ (ട്രഷറർ) എന്നിവരെയും വൈസ് പ്രസിഡന്റുമാരായി റഫീഖ് മങ്കട, സിദ്ധീഖ് കുറുവ, ശിഹാബ് മങ്കട, അലി മൂർക്കനാട് എന്നിവരെയും സെക്രട്ടറിമാരായി ഖമറുസമാൻ ഇ.സി, കെ.പി റഫീഖ്, ഉസ്മാൻ പുഴക്കാട്ടിരി, റഫീഖ് കുറുവ എന്നിവരെയും തെരഞ്ഞെടുത്തു.
റിട്ടേണിങ് ഓഫീസർ എൻ.ടി ബഷീർ തെരഞ്ഞെടുപ്പ് നിയന്ത്രിച്ചു. പി.അബ്ദുൽ റഷീദ്, സവാദ് വെളിയങ്കോട് എന്നിവർ ആശംസകൾ അർപ്പിച്ച് സംസാരിച്ചു.
