അൽ-ഖോർ : അൽ ഖോർ ഫെതേർസ് ബാഡ്മിന്റൺ അക്കാദമിയുമായി ചേർന്ന് പ്രവർത്തകർക്കായി യൂത്ത് ഫോറം ഇന്റർ സോണൽ ബാഡ്മിന്റൺ ചാംപ്യൻഷിപ് സംഘടിപ്പിച്ചു. അൽഖോർ സ്പോർട്സ് ക്ലബ്ബിൽ വെച്ചു നടത്തിയ ചാമ്പ്യൻഷിപ്പിൽ ദോഹസോണിലെ മഹ്റൂഫ്, ഷാബിർ എന്നിവർ ജേതാക്കളായി. ഹിലാൽ സോണിലെ സാജിദ്, ജാസിർ എന്നിവരാണ് റണ്ണറപ്പ്.

യൂത്ത് ഫോറം കേന്ദ്ര പ്രസിഡന്റ് SS മുസ്തഫ, ജനറൽ സെക്രട്ടറി അബ്‌സൽ അബ്ദുട്ടി, കേന്ദ്ര ഭാരവാഹികളായ അസ്ലം എം.ഐ, അസ്ലം ഈരാറ്റുപേട്ട, ഹബീബ് എന്നിവർ വിജയികൾക്കുള്ള സമ്മാനം വിതരണം ചെയ്തു. വിവിധ സോണുകളെ പ്രതിനിധീകരിച്ചും ഖത്തറിലെ വിവിധ യൂണിവേഴ്‌സിറ്റികളിൽ നിന്നുമായി 16 ടീമുകൾ പങ്കെടുത്തു.

അൽ ഖോർ സോണൽ പ്രസിഡന്റ്ഷാഹിദ് ,വൈസ് പ്രെസിടെന്റും ഫെതേർസ് ക്ലബ് ഭാരവാഹിയുമായ ആദിൽ ,ഫാസിൽ, ഷംഷീർ എന്നിവർ മത്സരങ്ങൾക്ക് നേതൃത്വം നൽകി. യൂത്ത് ഫോറം പത്താം വാർഷികത്തിന്റെ ഭാഗമായി നടക്കുന്ന വിവിധങ്ങളായ പ്രവർത്തനങ്ങളുടെയും ലോകകപ്പ് മുന്നൊരുക്കങ്ങളുടെയും ഭാഗമായിട്ടാണ് ടൂർണമെന്റ് സംഘടിപ്പിച്ചതെന്ന് ഭാരവാഹികൾ അറിയിച്ചു.