യുവകലാസാഹിതി ഖത്തറിന്റെ ഈ വർഷത്തെ ഈദ് ഓണം ആഘോഷമായ ഈണം 2022 റോയൽ പാലസ് റെസ്റ്റോറന്റിൽ വെച്ച് പ്രൗഢ ഗംഭീരമായ ആഘോഷങ്ങളോടെ നടത്തി. യുവകലാസാഹിതി ഖത്തറിന്റെ നേതൃത്വത്തിൽ സംഘടിപ്പിച്ച കുടുംബ സംഗമം 'ഈണം 2022 ' ജനപങ്കാളിത്തം കൊണ്ട് ആവേശകരമായി.
യുവകലാസാഹിതി പ്രസിഡന്റ് അജിത് പിള്ളയുടെ അദ്ധ്യക്ഷതയിൽ നടന്ന യോഗം ഐസിസി പ്രസിഡന്റ് ശ്രീ. പി ൻ ബാബുരാജ് ഉദ്ഘാടനം ചെയ്തു. യുവകലാസാഹിതി സെക്രട്ടറി രാഗേഷ് കുമാർ സ്വാഗതം പറഞ്ഞു. പരിപാടിയിൽ ഐ സി ബി ഫ് മുൻ പ്രസിഡന്റ് സിയാദ് ഉസ്മാൻ, ഐ എസ് സി വൈസ് പ്രസിഡന്റ് ഷെജി വലിയകത്ത് എന്നിവർ പ്രസംഗിച്ചു. കോ ഓർഡിനേഷൻ സെക്രട്ടറി ഷാനവാസ് തവയിൽ ആശംസ നേർന്നു. പ്രോഗ്രാം കമ്മിറ്റി കൺവീനർ കെ ഇ ലാലു നന്ദി പ്രസംഗം നടത്തി.
പരിപാടികൾക്ക് സരിൻ കക്കത്ത്, രജി പുത്തൂരാൻ, സനൂപ്, സിറാജുദ്ദിൻ, സൂരജ് ഉപ്പൂട്, ലിസാം, മുരളി, ഇബ്രൂ ഇബ്രാഹിം, ബിനു ഇസ്മായിൽ, ഷാൻ, ഷഹീർ നിറവിൽ, ജോബിൻ പണിക്കർ, നിയാസ്, മോഹൻ ജോൺ, ഷുക്കൂർ, ബഷീർ പൊട്ടാറാത്, ജീമോൻ ജേക്കബ് എന്നിവർ നേതൃത്വം നൽകി. പൂക്കളം, മഹാബലിയുടെ വരവ്, തിരുവാതിരക്കളി, ഒപ്പന, ഗാനമേള, നൃത്ത നൃത്യങ്ങൾ, ഓണകളികൾ, ഓണ സദ്യയും തുടങ്ങിയവ ഈ പരിപാടിക്കു മാറ്റ് കൂട്ടി.
