ദോഹ: ഖത്തറിലെ ഫുട്‌ബോൾ ലോകകപ്പ് കളിയാരവങ്ങൾക്ക് ആവേശം പകർന്ന് യൂത്ത് ഫോറം സംഘടിപ്പിക്കുന്ന സെവൻസ് ഫാൻസ് ഫുട്‌ബോൾ ടൂർണമെന്റിന് ഇന്ന് സി എൻ എ ക്യു സ്റ്റേഡിയത്തിൽ തുടക്കം കുറിക്കും. ലോകകപ്പിന് യോഗ്യത നേടിയ വിവിധ രാജ്യങ്ങളെ പ്രതിനിധീകരിച്ചും ഖത്തറിലെ വിവിധ പ്രാദേശിക ഫുട്‌ബോൾ കൂട്ടായ്മകളിൽ നിന്നുമായി 32 ടീമുകളാണ് ടൂർണമെന്റിൽ പങ്കെടുക്കുക.

സെപ്റ്റംബർ 22 വ്യാഴം വൈകുന്നേരം 8 മണി മുതൽ യോഗ്യത തല മത്സരങ്ങളും , 23 വെള്ളി വൈകുന്നേരം 3 മണി മുതൽ കോർട്ടർ, ഫൈനൽ മത്സരങ്ങളും ആണ് നടക്കുക. മത്സരത്തിൽ വിജയികളാകുന്ന ടീമുകൾക്കുള്ള സമ്മാനങ്ങൾ വെള്ളിയാഴ്ച എട്ടുമണിക്ക് സി എൻ എ ക്യു ഗ്രൗണ്ടിൽ നടക്കുന്ന സമാപന സമ്മേളനത്തിൽ വിതരണം ചെയ്യും.

സമാപന സമ്മേളനത്തിൽ ഇന്ത്യൻ സ്പോർട്സ് കൗൺസിൽ, ആസ്പയർ അക്കാദമി, ഖത്തർ വളണ്ടിയർ സെന്റർ പ്രതിനിധികൾ പങ്കെടുക്കുമെന്ന് ഭാരവാഹികൾ അറിയിച്ചു.