ദോഹ: ഖത്തർ കേരള ഇസ്ലാഹി സെന്റർ സ്റ്റുഡന്റ്സ് വിംഗിന്റെ നേതൃത്വത്തിൽ 4 മുതൽ 10 വരെ പ്രായത്തിലുള്ള കുട്ടികൾക്കായി 'ലിറ്റിൽ വിങ്‌സ്' ബാല സമ്മേളനം സംഘടിപ്പിച്ചു.

ആകർഷകമായ കളിയും ചിരിയും പാട്ടുകളുമായി സംഘടിപ്പിച്ച പരിപാടിക്ക് ക്യു കെ.ഐ.സി ജന: സെക്രട്ടറി സ്വലാഹുദ്ധീൻ സ്വലാഹി നേതൃത്വം നൽകി. ഇഹലോകജീവിതത്തിന്റെ ലക്ഷ്യവും, നന്മയും തിന്മയും തിരിച്ചറിഞ്ഞ് ജീവിതലക്ഷ്യം നേടുന്നതിനായുള്ള വഴികൾ ലളിതമായ രീതിയിൽ അദ്ദേഹം കുട്ടികൾക്ക് പകർന്നു നൽകി. പ്രവാചകൻ പഠിപ്പിച്ച നല്ല പാഠങ്ങൾ ജീവിതത്തിൽ പകർത്തി ഒരു ഉത്തമ വ്യക്തിയായി സമൂഹത്തിന് വെളിച്ചം നൽകുന്നവരായി മാറാൻ അദ്ദേഹം കുട്ടികളെ പ്രചോദിപ്പിച്ചു.

ചടങ്ങിൽ സ്റ്റുഡന്റ്‌സ് വിങ് കൺവീനർ അസ്ലം കാളികാവ്, ജൈസൽ ബാലുശ്ശേരി എന്നിവർ സംബന്ധിച്ചു