ദോഹ: വനിതാകലാസാഹിതിയുടെ ന്യൂഇയർ ആഘോഷവും വനിത സംഗമവും വക്ര ക്രീയേറ്റീവ് സെന്ററിൽ വെച്ച് സംഘടിപ്പിച്ചു. പ്രവാസി ഭാരതി കർമ ശ്രേഷ്ഠ പുരസ്‌കാര ജേതാവ് ഡോ. ഷീല ഫിലിപ്പോസ് ഉദ്ഘാടനം ചെയ്തു. വനിതാകലാസാഹിതി പ്രസിഡന്റ് ഷാന ലാലു അദ്ധ്യക്ഷത വഹിച്ച യോഗത്തിൽ ട്രഷർ ദീപ്തി എബി സ്വാഗതം ആശംസിച്ചു. ചടങ്ങിൽ ഡോ. ഷീല ഫിലിപ്പോസിനെ വനിതാകലാസാഹിതിയുടെ സ്‌നേഹോപഹാരം നൽകി ആദരിച്ചു. സെക്രട്ടറി സിത്താര നന്ദിയും പറഞ്ഞു. വിവിധ കലാ മത്സരങ്ങൾ, വിഭവ സമർത്ഥമായ നാടൻ വിരുന്ന് തുടങ്ങിയവ ഈ പരിപാടിക്കു മാറ്റ് കൂട്ടി.

പരിപാടികൾക്ക് ആയിഷ, സൗമ്യ,ലീബോ, ലീബ, തസ്‌നീം, മുഹ്‌സിന, അനു തൗഫീക്, നിസാ സിദാർ, റസീനാ ഷക്കീർ, റിൻസി മനോജ് എന്നിവർ നേതൃത്വം നൽകി.

വിവിധ മത്സരങ്ങളിൽ വിജയികളായവർക്ക് വനിതാകലാസാഹിതി ഭാരവാഹികൾ ചേർന്ന് സമ്മാനങ്ങൾ നൽകി.

മഹാമാരിക്ക് ശേഷം കുടുബങ്ങൾ തമ്മിൽ കാണാനും ഇടപഴകാനും ഉള്ള അവസരം ഒരുക്കിയതിനു വനിതാകലാസാഹിതി ഖത്തറിനോട് പങ്കെടുത്തയെല്ലാവരും നന്ദി അറിയിച്ചു.