ദോഹ. ആറ് പതിറ്റാണ്ട് കാലമായി ഖത്തറിലെ സാമൂഹ്യ സാംസ്‌കാരിക വിദ്യാഭ്യാസ രംഗങ്ങളിലെ സജീവ സാന്നിധ്യമടയാളപ്പെടുത്തി ഖത്തറിലെ മലയാളി സമൂഹത്തിന്റെ അഭിമാനമായി മാറിയ ദീർഘ കാല പ്രവാസി മലയാളി നേതാക്കളായ ഡോ.എംപി. ഷാഫി ഹാജിക്കും ഏ.കെ.ഉസ്മാനും മീഡിയ പ്‌ളസിന്റെ ആദരം. ഇന്ത്യൻ കൾചറൽ സെന്റർ അശോക ഹാളിൽ നടന്ന ഇശൽ നിലാവ് സീസൺ 2 വേദിയിൽ വച്ചാണ് ഇരുവർക്കും ലൈഫ് ടൈം അച്ചീവ്‌മെന്റ് അവാർഡ് നൽകി ആദരിച്ചത്.

വ്യാപാര മേഖലയിലെ മികവിന് പുറമേ ഒരു പുരുഷായുസ്സ് മുഴുവൻ പൊതുരംഗത്ത് നിറഞ്ഞുനിൽക്കാൻ കഴിയുകയെന്നത് മഹാഭാഗ്യമാണെന്നും ക്‌ളീൻ ഇമേജുമായി സാമൂഹ്യ സാംസ്‌കാരിക സേവന രംഗങ്ങളിൽ നേതൃത്വമലങ്കരിക്കരുന്ന ഇരുവരും പുതിയ തലമുറക്ക് മാതൃകയും പ്രചോദനവുമാണെന്നും മീഡിയ പ്ളസ് സി.ഇ. ഒ. ഡോ. അമാനുല്ല വടക്കാങ്ങര അഭിപ്രായപ്പെട്ടു.

പ്രവാസി ബന്ധു ഡോ.എസ്.അഹ്‌മദാണ് ഇരുവർക്കും അവാർഡുകൾ സമ്മാനിച്ചത്.