ദോഹ. കുറഞ്ഞ കാലം കൊണ്ട് ഖത്തറിൽ സ്‌കഫോൾഡിങ് രംഗത്തെ ശ്രദ്ധേയ സാന്നിധ്യമായി മാറിയ സിക്‌സ് കോ ഗ്രൂപ്പ് മാനേജിങ് ഡയറക്ടർ അഷ്‌റഫ് അബ്ദുൽ അസീസിന് യൂണിവേർസൽ റിക്കോർഡ് ഫോറത്തിന്റെ ബെസ്റ്റ് എൻട്രപ്രണർ അവാർഡ് . 2015 ൽ സ്ഥാപിതമായ കമ്പനി കഴിഞ്ഞ 8 വർഷം കൊണ്ട് വിവിധ തരം സ്‌കഫോൾഡിങ് ജോലികളിൽ മികവ് തെളിയിച്ചു കഴിഞ്ഞു. ദീർഘവീക്ഷണമുള്ള മാനേജുമെന്റും വിദഗ്ധരായ ജോലിക്കാരുമാണ് ഗ്രൂപ്പിന്റെ ശക്തി. പുരോഗതിയിൽ നിന്നും പുരോഗതിയിലേക്ക് കുതിക്കുന്ന ഖത്തറിന്റെ ഭൂമികയിൽ നടത്തുന്ന മുന്നേറ്റം പരിഗണിച്ചാണ് സിക്‌സ്‌കോ ഗ്രൂപ്പിന്റെ അമരക്കാരൻ അഷ്‌റഫ് അബ്ദുൽ അസീസിനെ ബെസ്റ്റ് എൻട്രപ്രണർ അവാർഡിന് തെരഞ്ഞെടുത്തതെന്ന് യു.ആർഎഫ്. സിഇഒ. ഡോ. സൗദീപ് ചാറ്റർജിയും ചീഫ് എഡിറ്റർ ഡോ. സുനിൽ ജോസഫും അറിയിച്ചു.
ബിസിനസ് രംഗത്തെ മികവിന് പുറമെ അദ്ദേഹം നിർവഹിക്കുന്ന സാമൂഹ്യ സാംസ്‌കാരിക ജീവകാരുണ്യ പ്രവർത്തനങ്ങളും മാതൃകാപരമാണെന്ന് അവാർഡ് കമ്മറ്റി വിലയിരുത്തി. മാർച്ച് 12 ന് ദുബൈ ഷെറാട്ടൺ ഹോട്ടലിൽ നടക്കുന്ന ചടങ്ങിൽ അവാർഡ് സമ്മാനിക്കും.
