ദോഹ:റീഡേഴ്‌സ് ആർ ലീഡേഴ്സ് വാട്‌സ്ആപ്പ് കൂട്ടായ്മയുടെ നേതൃത്വത്തിൽ പ്രസംഗ പരിശീലന വർക്ക്‌ഷോപ്പ് സംഘടിപ്പിച്ചു. 'എങ്ങനെ ഒരു നല്ല പ്രാസംഗികനാകാം' എന്ന വിഷയത്തിൽ നടന്ന വർക്ഷോപ്പിന് ടോർബിറ്റ് എജ്യുടെക് ഡയറക്ടറും പ്രമുഖ വാഗ്മിയുമായ/ട്രെയിനറുമായ അബ്ദുറഷീദ് കുട്ടമ്പൂർ നേതൃത്വം നൽകി.

പ്രസംഗകല വരുംതലമുറക്ക് പഠന മേഖയിലും സമൂഹ്യരംഗത്തും ഉൾക്കാഴ്ച നൽകുമെന്നും സംസ്‌കാരികമായി ദിശാബോധം സൃഷ്ടിക്കാൻ പ്രഭാഷണകലയിലെ വൈദഗ്ദ്യം ഭാവിയിൽ ആനിവാര്യമാണെന്നും അതിനാൽ ഇത്തരം കഴിവുകൾ സ്‌കൂൾ പഠനതലം മുതൽ മക്കൾക്ക് പകർന്ന് കൊടുക്കണമെന്നും വർക്ക്‌ഷോപ്പ് അഭിപ്രായപെട്ടു.

ദോഹയിൽ വെച്ചു നടന്ന പ്രസംഗ പരിശീലന ക്‌ളാസ്സിൽ സി പി ശംസീർ, അൻവർഷ, മുഹമ്മദ് സുബിൻ, ഷംനാദ് തുടങ്ങിയവർ സംസാരിച്ചു.