ദോഹ. ഹ്രസ്വ സന്ദർശനാർഥം ദോഹയിലെത്തിയ കേരള പ്രതിപക്ഷ നേതാവ് വി.ഡി . സതീശന് അൽ സുവൈദ് ഗ്രൂപ്പിൽ സ്വീകരണം നൽകി. ഗ്രൂപ്പ് കോർപറേറ്റ് ഓഫീസിലെത്തിയ നേതാവിനെഗ്രൂപ്പ് മാനേജിങ് ഡയറക്ടർ ഡോ.വി.വി.ഹംസ, ഡയറക്ടർ ശൈഖ ഹംസ എന്നിവർ ബൊക്കെ നൽകി സ്വീകരിച്ചു. പ്രവാസി മലയാളികൾ അഭിമുഖീകരിക്കുന്ന വിശിഷ്യ തൊഴിലാളികൾ നേരിടുന്ന വിവിധ വിഷയങ്ങൾ കൂടിക്കാഴ്ചയിൽ ചർച്ച ചെയ്തു.

അൽ സുവൈദ് ഗ്രൂപ്പിന്റെ സാമൂഹ്യ പ്രതിബദ്ധതയോടെയുള്ള പ്രവർത്തനങ്ങളെ പ്രതിപക്ഷ നേതാവ് പ്രത്യേകം അഭിനന്ദിച്ചു.

പ്രവാസി സംരംഭകരായ ഡോ.അബ്ദുറഹിമാൻ കരിഞ്ചോല, അഷ്റഫ് വട്ടത്തറ, അൽ സുവൈദ് ഗ്രൂപ്പ് ജീവനക്കാർ എന്നിവരും സ്വീകരണത്തിൽ പങ്കെടുത്തു.