കൾച്ചറൽ ഫോറം കോഴിക്കോട് ജില്ല വോളിബോൾ ടീം മീറ്റപ്പ് സംഘടിപ്പിച്ചു. നുഐജയിൽ കൾച്ചറൽ ഫോറം ഹാളിൽ നടന്ന പരിപാടി കൾച്ചറൽ ഫോറം ജില്ല പ്രസിഡണ്ട് സാദിഖ് ചെന്നാടൻ ഉദ്ഘാടനം ചെയ്തു. ടീം സ്‌പോൺസർമാർക്കുള്ള ഉപഹാരങ്ങൾ കൾച്ചറൽ ഫോറം സംസ്ഥാന ജനറൽ സെക്രട്ടറി താസീൻ അമീനിൽ നിന്ന് ഫെസ്റ്റിവൽ ലിമോസിൻ എം.ഡി മുഹമ്മദ് ഷബീറും കൾച്ചറൽ ഫോറം സംസ്ഥാന വൈസ് പ്രസിഡണ്ട് മുഹമ്മദ് റാഫിയിൽ നിന്ന് സ്പ്രിങ് ഇന്റർനാഷണൽ എം.ഡി ഫഹദും ഏറ്റുവാങ്ങി.
സ്പ്രിങ് ഇന്റർനാഷണൽ സ്‌പോൺസറായ എ ടീമിന്റെ ജഴ്‌സി ടീം ക്യാപ്റ്റൻ നസീം വാണിമേലും ഫെസ്റ്റിവൽ ലിമോസിൻ സ്‌പോൺസറായ ബി ടീമിന്റെ ജഴ്‌സി ടീം ക്യാപ്റ്റൻ ആസിഫ് ഹമീദും സ്‌പോൺസർമാരിൽ നിന്ന് ഏറ്റുവാങ്ങി. ടീം മാനേജർമാരായ അബ്ദുൽ മജീദ്, അൻസാർ വാണിമേൽ തുടങ്ങിയവരും ടീമംഗങ്ങളും സംസാരിച്ചു.
ഖത്തർ മലയാളി സമ്മേളനത്തോടനുബന്ധിച്ച് നടന്ന വോളിബാൾ ടൂർണ്ണമെന്റിൽ ടീം ജേതാക്കളായിരുന്നു. കൾച്ചറൽ ഫോറം സംസ്ഥാന ജനറൽ സെക്രട്ടറി താസീൻ അമീൻ അനുമോദന പ്രഭാഷണം നടത്തി.
ജില്ലാ സെക്രട്ടറി അബ്ദുറഹീം വേങ്ങേരി സ്വാഗതവും ജനറൽ സെക്രട്ടറി മഖ്ബൂൽ അഹമ്മദ് നന്ദിയും പറഞ്ഞു. ഷാഹിദ് കെ.വി, സ്പോർട്സ് വിങ്ങ് കൺവീനർ മുഹ്‌സിൻ ഓമശ്ശേരി, ജില്ലാ സെക്രട്ടറിമാരായ റാസിഖ് എൻ, അംജദ് കൊടുവള്ളി ജില്ലാക്കമറ്റിയംഗങ്ങളായ ആരിഫ് വടകര, റബീഅ് സമാൻ, നജ്മൽ തുണ്ടിയിൽ, സൈനുദ്ദീൻ ബേപ്പൂർ തുടങ്ങിയവർ നേതൃത്വം നൽകി.
