'എന്തു കൊണ്ട് ഉമ്മൻ ചാണ്ടി ' എന്ന സമീർ ഏറാമലയുടെ (പ്രസിഡന്റ്, OICC-INCAS ഖത്തർ) പുസ്തകപ്രകാശനം കേരള നിയമസഭയുടെ അന്താരാഷ്ട്ര പുസ്തകോത്സവത്തിൽ വെച്ച് കെ പി സി സി പ്രസിഡന്റ് കെ സുധാകരൻ എം പി നിർവഹിച്ചു. എന്താണ് ഉമ്മൻ ചാണ്ടി? എന്തുകൊണ്ട് ഉമ്മൻ ചാണ്ടി? ഇത്തരമൊരു ചോദ്യവും കേരളീയ സമൂഹം നൽകിയ ഉത്തരവുമാണ് പുസ്തകത്തിലെ ഉള്ളടക്കം.

സാധാരണക്കാർ മുതൽ രാഷ്ട്രീയ സാംസ്കാരിക നായകരുടെ വരെ ഉമ്മൻ ചാണ്ടിയെക്കുറിച്ചുള്ള വിലയിരുത്തലും പുസ്തകത്തിലുണ്ട്. എം വിൻസന്റ്എം എൽ എ പുസ്തകം ഏറ്റുവാങ്ങി. സി ആർ മഹേഷ് എം എൽ എ അധ്യക്ഷത വഹിച്ചു. അഡ്വ. കെ ജയന്ത്, ബി ആർ എം. ഷഫീർ, പഴകുളം മധു,ജി എസ്. ബാബു,മോഹനൻ പാറക്കടവ്,കോട്ടയിൽ രാധാകൃഷ്ണൻ,രജിൽ എസ് ഉണ്ണിത്താൻ എന്നിവർ സംസാരിച്ചു.കോഴിക്കോട് ഹരിതം ബുക്‌സ് ആണ് പുസ്തകത്തിന്റെ പ്രസാധകർ.