ദോഹ: ഖത്തർ ദേശീയ കായിക ദിനത്തോടനുബന്ധിച്ച് യൂത്ത് ഫോറം വിവിധ കായിക മത്സരങ്ങൾ സംഘടിപ്പിച്ചു. ദൈനംദിന ജീവിതത്തിൽ കായിക-വ്യായാമ പ്രവർത്തനങ്ങളുടെ നേട്ടത്തെയും ആരോഗ്യകരമായ ജീവിതശൈലി പ്രാവർത്തികമാക്കുന്നതിന്റെ പ്രാധാന്യത്തെയും കുറിച്ച് പ്രവർത്തകർക്കിടയിൽ അവബോധം ഉയർത്തുകയാണ് ഇത്തരം പ്രവർത്തനങ്ങളിലൂടെ ലക്ഷ്യമിടുന്നതെന്ന് യൂത്ത് ഫോറം പ്രസിഡന്റ് ബിൻഷാദ് പുനത്തിൽ അഭിപ്രായപ്പെട്ടു. പൗരന്മാരും പ്രാവസികളുമടങ്ങുന്ന സമൂഹത്തിനും അവരുടെ ആരോഗ്യത്തിനും ഖത്തർ നൽകുന്ന പ്രാധാന്യത്തിനുദഹരണമാണ് ദേശീയ കായികദിനമെന്നും അദ്ദേഹം കൂട്ടിച്ചേർത്തു.
മദീന ഖലീഫ സോണിൽ 'രീഷ 2024' എന്ന പേരിൽ ഇന്റർ യൂണിറ്റ് ബാഡ്മിന്റൺ സംഘടിപ്പിച്ചു. മെസീല ഇന്റർനാഷണൽ ബ്രിട്ടീഷ് സ്‌കൂളിൽ വെച്ച് സംഘടിപ്പിച്ച ടൂർണമെന്റിൽ വിവിധ യൂണിറ്റുകളിൽ നിന്നായി 10 ടീമുകൾ പങ്കെടുത്തു. ഡബിൾസ് ഫൈനലിൽ മദീന ഖലീഫ യൂണിറ്റിലെ റഷാദ്-അജ്മൽ സഖ്യം ജേതാക്കളായപ്പോൾ ദഫ്ന യൂണിറ്റിലെ ഖലീൽ-അഖീൽ സഖ്യം റണ്ണേഴ്സ് അപ്പായി. യൂത്ത് ഫോറം വൈസ് പ്രസിഡന്റ് ഫൈസൽ, കായിക വിഭാഗം കൺവീനർ അഫ്സൽ എന്നിവർ വിജയികൾക്ക് ട്രോഫികൾ സമ്മാനിച്ചു. സോണൽ സമിതി അംഗങ്ങളായ നഈം, ഷാദിൽ, മിദ്ലാജ് തുടങ്ങിയവർ നേതൃത്വം നൽകി.
തുമാമ സോണിൽ 'തുമാമ സൂപ്പർ കപ്പ് 2024' എന്ന പേരിൽ ഫുട്ബോൾ ടൂർണമെന്റ് സംഘടിപ്പിച്ചു. തുമാമ ഒലിവ് ഇന്റർനാഷണൽ സ്‌കൂളിൽ നടന്ന ഇന്റർ യൂണിറ്റ് ടൂർണമെന്റ് കലാശപ്പോരിൽ മഅ്മൂറ എഫ്.സിയെ പരാജയപ്പെടുത്തി നാദി നുഐജ കിരീടം നേടി. സിഐ.സി തുമാമ സോൺ പ്രസിഡന്റ് മുഷ്താഖ് ടൂർണമെന്റ് ഉദ്ഘാടനം ചെയ്തു. കിരീടദാന ചടങ്ങിൽ യൂത്ത് ഫോറം ഖത്തർ പ്രസിഡന്റ് ബിൻഷാദ് പുനത്തിൽ, ജനറൽ സെക്രട്ടറി ഹബീബ് റഹ്മാൻ, കേന്ദ്ര എക്സിക്യൂട്ടിവ് സമിതി അംഗം അസ്ലം തൗഫീഖ്, സോണൽ പ്രസിഡന്റ് റഷാദ് മുബാറക്അമാനുള്ള, സമിതി അംഗങ്ങളായ ഇർഫാൻ, മുഅ്മിൻ തുടങ്ങിയവർ പങ്കെടുത്തു.
ദോഹ സോണിൽ 'ദോഹ ലീഗ് സോക്കർ സാഗാ സീസൺ 2' എന്ന പേരിൽ സംഘടിപ്പിച്ചു . വക്റ ശാന്തിനികേതൻ ഇന്ത്യൻ സ്‌കൂളിൽ വെച്ച് നടന്ന ടൂർണമെന്റിൽ ബിൻ മഹ്മൂദ് എഫ്.സിയെ പരാജയപ്പെടുത്തി നജ്മ എഫ്.സി ജേതാക്കളായി. സിഐ.സി ദോഹ സോൺ പ്രസിഡന്റ് ബഷീർ ടൂർണമെന്റിന്റെ ഔദ്യോഗിക ഉദ്ഘാടനം നിർവഹിച്ചു. യൂത്ത് ഫോറം ദോഹ സോൺ പ്രസിഡന്റ് മാഹിർ മുഹമ്മദ്, സെക്രട്ടറി ബാസിത്, സമിതി അംഗങ്ങളായ താലിഷ്, നജീബ്, അബ്ദുൽ റഹീം, നിഹാൽ എന്നിവർ നേതൃത്വം നൽകി.സമാപന ചടങ്ങിൽ കേന്ദ്ര ജനറൽ സെക്രട്ടറി ഹബീബ് റഹ്മാൻ, വൈസ് പ്രസിഡന്റ് ആരിഫ് അഹ്മദ്, അഹ്മദ് അൻവർ, വിമൻ ഇന്ത്യ ദോഹ സോണൽ പ്രസിഡന്റ് സറീന ബഷീർ എന്നിവർ പങ്കെടുത്തു.
റയ്യാൻ സോണിൽ 'കുർറയ്യാൻ സീസൺ 4' എന്ന പേരിൽ ഇന്റർ യൂണിറ്റ് ഫുട്ബോൾ സംഘടിപ്പിച്ചു. ടൂർണമെന്റിൽ അൽ അത്വിയ്യ യൂണിറ്റ് ചാമ്പ്യന്മാരായി. ഫൈനലിൽ അസീസിയ യൂണിറ്റ് റണ്ണേഴ്സ് അപ്പായി. മികച്ച താരമായി ഷാദ്, മികച്ച ഗോൾകീപ്പറായി ജൗഹർ എന്നിവരെ തെരഞ്ഞെടുക്കപ്പെട്ടു.സമാപന ചടങ്ങിൽ സോണൽ പ്രസിഡന്റ് തൗഫീഖ് എം.എസ്, സിഐ.സി റയ്യാൻ സോൺ പ്രസിഡന്റ് സുധീർ, യൂത്ത് ഫോറം കേ്ന്ദ്ര സമിതി അംഗങ്ങളായ ഷുക്കൂർ, ആസാദ് എന്നിവർ പങ്കെടുത്തു. സോണൽ സമിതി അംഗവും ടൂർണമെന്റ് കൺവീനറുമായ അസ്ജദ് അലി, മറ്റു സമിതി അംഗങ്ങൾ എന്നിവർ നേതൃത്വം നൽകി.
