ഓസ്‌ട്രേലിയയിലേക്കുള്ള യാത്രക്ക് രണ്ടാഴ്‌ച്ച കൂടി കാത്തിരിക്കണം;ക്വാറന്റെയ്ൻ ഫ്രീ യാത്ര തത്കാലം വേണ്ടെന്ന് ന്യൂസിലന്റ് പ്രധാനമന്ത്രി
ഓസ്‌ട്രേലിയയിലേക്കുള്ള ക്വാറന്റെയ്ൻ ഫ്രീ യാത്രക്ക് രണ്ടാഴ്‌ച്ച കൂടി കാത്തിരിക്കണമെന്ന് ന്യൂസിലന്റ് പ്രധാനമന്ത്രി ജസീന്ത ആർഡ്രൻ..അയൽ രാജ്യങ്ങളുമായുള്ള അതിർത്തികൾ തുറക്കുന്നതാണ് മുൻഗണനയെങ്കിലും ആദ്യം നിരവധി പ്രശ്നങ്ങൾ പരിഹരിക്കേണ്ടതുണ്ടെന്ന് ആർഡെർൻ വാർത്താ സമ്മേളനത്തിൽ പറഞ്ഞു. രണ്ടാഴ്‌ച്ചക്കുള്ളിൽ എന്ന് അതിർത്തി തുറക്കാമെന്ന് അറിയിക്കുമെന്നും പ്രധാനമന്ത്രി അറിയിച്ചു.
ഏപ്രിൽ 6 ഓട് കൂടി ഇക്കാര്യത്തിൽ തീരുമാനം ഉണ്ടാകുമെന്നാണ് സൂചന.
ഇരു രാജ്യങ്ങളും തങ്ങളുടെ രാജ്യങ്ങളിൽ കൊറോണ വൈറസ് വ്യാപിക്കുന്നത് തടയാൻ കഴിഞ്ഞിട്ടുണ്ടെന്നും എന്നിരുന്നാലും ഓസ്‌ട്രേലിയയിൽ ഇടയ്ക്കിടെ പൊട്ടിപ്പുറപ്പെടുന്നത് ആശങ്ക ഉണ്ടാക്കുന്നു.ഓസ്ട്രേലിയൻ സംസ്ഥാനങ്ങൾ കഴിഞ്ഞ ഒക്ടോബർ മുതൽ ന്യൂസിലാന്റുകാർക്ക് അതിർത്തികൾ തുറന്നിട്ടുണ്ട്. എന്നാൽ ന്യൂസിലൻഡ് അതിർത്തികൾ തുറക്കാൻ താമസിപ്പിക്കുകയായിരുന്നു.
യാത്ര ഉടൻ ആരംഭിക്കണമെന്ന് ന്യൂസിലാൻഡിന്റെ പ്രതിപക്ഷ ദേശീയ പാർട്ടി ആവശ്യപ്പെട്ടു.അതിർത്തികൾ അടച്ചിരിക്കുകയാണെങ്കിൽ തങ്ങളുടെ ബിസിനസ്സ് കൂടുതൽ കാലം നിലനിൽക്കില്ലെന്ന് ന്യൂസിലാന്റിലെ ടൂറിസം ഓപ്പറേറ്റർമാരും അറിയിച്ചു.
എന്നാൽ ശരിയായ സംവിധാനങ്ങളില്ലാതെ അതിർത്തികൾ തുറക്കുന്നത് കൂടുതൽ ലോക്ക്ഡൗണുകളിലേക്ക് നയിക്കുമെന്നും ഇത് ആഭ്യന്തര ടൂറിസത്തെ പോലും അപകടത്തിലാക്കുമെന്നും ആർഡെർൻ പറഞ്ഞു.
