രാജ്യത്ത് കഞ്ചാവ് ഉപയോഗിക്കുന്നത് നിയമപരമാക്കി കൊണ്ടുള്ള നിയമം നടപ്പിലാകാൻ ദിവസങ്ങൾ മാത്രം ബാക്കി നില്‌ക്കെ ക്യുബെക്കിൽ മറ്റൊരു നിയമപരിഷ്‌കരണം കൊണ്ടുവരുന്നു.കഞ്ചാവും പുകവലിയും നിയമപരമായി ഉപയോഗിക്കാനുള്ള പ്രായപരിധി 18 ൽ നിന്നും 21 ആക്കി ഉയർത്താനാണ് ക്യുബെക് തീരുമാനിച്ചിരിക്കുന്നത്.

ഈ മാസം 17 മുതലാണ് നിയമപരമായി കഞ്ചാവ് ഉപയോഗിക്കാമെന്നുള്ള നിയമം നടപ്പിലാകുന്നത്.അപ്പോഴാണ് ക്യൂബെക് പ്രായപരിധി ഉയർത്താൻ തീരുമാനിച്ചത്. ഫെഡറൽ നിയമത്തിൽ കുറഞ്ഞ പ്രായം 18 ആണെങ്കിലും, സ്വന്തം ഭരണപ്രദേശങ്ങളിൽ സർക്കാരിന് മാറ്റങ്ങൾ കൊണ്ടുവരാവുന്നതാണ്.