ക്യൂൻസ് ലാന്റിൽ ഇന്ന് മുതൽ നിയന്ത്രണങ്ങൾക്ക് ഇളവ്; ആശുപത്രികളിലും, കെയർ ഹോമിലും അടക്കം സന്ദർശക നിയന്ത്രണം നീക്കും; ആളുകൾക്ക് പുറത്ത് ഒത്തുകൂടാനും അനുവാദം

കൊറോണ വൈറസ് നിയന്ത്രണങ്ങൾ സംസ്ഥാനത്തൊട്ടാകെ ലഘൂകരിക്കുമെന്ന് ക്വീൻസ്ലാന്റ് അധികൃതർ അറിയിച്ചു. കേസുകളുടെ എണ്ണം കുറവാണെങ്കിലും തിരക്കേറിയ സ്ഥലങ്ങളിൽ മാസ്‌കുകൾ നിർബന്ധമായും ധരിക്കണമെന്ന് അധികൃതർ പറയുന്നു.സാമൂഹ്യ അകലം പാലിക്കാൻ കഴിയാത്ത മേഖലകളിലേക്ക് പോകുമ്പോൾ മുഖംമൂടി ധരിച്ചിരിക്കണെമെന്നും അറിയിച്ചിട്ടുണ്ട്.

ആശുപത്രികൾ, പ്രായമായ പരിചരണ കേന്ദ്രങ്ങൾ അടക്കമുള്ള സ്ഥലങ്ങളിൽ, ഏർപ്പെടുത്തിയിരിക്കുന്ന സന്ദർശക നിയന്ത്രണങ്ങൾ എടുത്തുകളയും. കൂടാതെ ബാറുകളിൽ നിൽക്കുന്നത് അനുവദിക്കും, നൈറ്റ്ക്ലബ്ബുകളിലും വിവാഹങ്ങളിലും നൃത്തം എന്നിവ അനുവദിക്കും. 100 പേരെ അവരുടെ വീടുകളിൽ ഒത്തുകൂടുന്നതിനും നിയന്ത്രണങ്ങളില്ലാതെ പുറത്ത് ഒത്തുകൂടുന്നതിനും ആളുകളെ അനുവദിക്കും.

സംസ്ഥാനത്ത് 51 സജീവ കേസുകളും കഴിഞ്ഞ 24 മണിക്കൂറിനുള്ളിൽ 8,246 പരിശോധനകളും നടത്തിയതായി റിപ്പോർട്ട് ചെയ്തത്.