തിരുവനന്തപുരം: തിരുവനന്തപുരത്തു നിന്നു ഡൽഹിയിലേക്കും കൊച്ചുവേളിയിൽ നിന്ന് അമൃത്‌സറിലേക്കുമുള്ള ട്രെയിനുകളിൽ സീറ്റ് ഒഴിവുണ്ടെന്ന് റെയിൽവെ അറിയിച്ചു. നാളെ ഉച്ചക്ക് 2.30നു ഡൽഹിക്കു പുറപ്പെടുന്ന ആലപ്പുഴ വഴിയുള്ള തിരുവനന്തപുരം - നിസാമുദ്ദീൻ എക്സ്‌പ്രസ്സ് (22633), ഇന്ന് അർദ്ധ രാത്രി ഒരുമണിക്കുള്ള തിരുവനന്തപുരം - നിസാമുദ്ദീൻ എക്സ്‌പ്രസ്സ്(22655), ഇന്നത്തെ രാജധാനി, നാളത്തെ കൊച്ചുവേളി- അമൃത്‌സർ എന്നീ ട്രെയിനുകളിലാണ് എല്ലാ ക്ലാസ്സിലും സീറ്റ് ഒഴിവുള്ളത്. യാത്രക്കാർ ഈ സൗകര്യം പ്രയോജനപ്പെടുത്തണമെന്ന് റെയിൽവെ അഭ്യർത്ഥിച്ചു.

അതിനിടെ, നാളത്തെ തിരുവനന്തപുരം -ന്യൂഡൽഹി കേരള എക്സ്‌പ്രസ്, വ്യാഴാഴ്ച പുറപ്പെടേണ്ട എറണാകുളം നിസാമുദ്ദീൻ മംഗള എക്സ്‌പ്രസ് എന്നിവ റദ്ദാക്കി.