മുംബൈ: രാജ്യത്ത് എസി ലോക്കൽ ട്രെയിനുകൾ പ്രഖ്യാപിച്ച് ഇന്ത്യൻ റെയിൽവേ. പാസഞ്ചർ മോഡൽ ട്രെയിനുകൾ പിൻവലിക്കുന്നതിന്റെ ഭാഗാമായാണ് പുതിയ പ്രഖ്യാപനം. ആദ്യം സബർബൻ ട്രെയിനുകളാണ് പരീക്ഷണാടിസ്ഥാനത്തിൽ എസി ട്രെയിനുകളാക്കുന്നത്.

വെസ്റ്റേൺ റെയിൽവേയുടെ കീഴിലുള്ള മുംബൈ സബർബൻ സർവീസ് ട്രെയിനുകൾ സെപ്റ്റംബർ മാസത്തോടെ എസി കോച്ചുകളായി ഉയർത്താനാണ് പദ്ധതി തയാറാക്കിയിരിക്കുന്നത്. പാസഞ്ചർ ട്രെയലിനുകളിൽ രണ്ടാം ക്ലാസ് യാത്രയ്ക്ക്, 150 കിലോമീറ്റർ ദൂരത്തിനുള്ള ഒറ്റ ടിക്കറ്റിന് 35 രൂപയാണ് ഈടാക്കുന്നത്. ഈ ദൂരം എസി കോച്ചുകളിൽ യാത്ര ചെയ്താൻ എകദേശം 350 രൂപയിൽ അധികം ഇപ്പോൾ നൽകണം. എന്നാൽ, പുതുയ എസി ലോക്കൽ ക്ലാസ് ട്രെയിനുകളിൽ 65 കിലോമീറ്റർ യാത്ര ചെയ്യുന്നതിന് 30 രൂപ നൽകിയാൽ മതിയാവും.

എസി ലോക്കലിൽ എസി ക്ലാസിന് 65 കിലോമീറ്റർ ദൂരത്തിനുള്ള പ്രതിമാസ സീസൺ ടിക്കറ്റിന്റെ അടിസ്ഥാന നിരക്ക് ഏകദേശം 600 രൂപയായിരിക്കും. എസി ക്ലാസിൽ അഞ്ചു കിലോമീറ്റർ വരെയുള്ള ഒറ്റത്തവണ യാത്രയ്ക്കുള്ള ഏറ്റവും കുറഞ്ഞ അടിസ്ഥാന നിരക്ക് 10 രൂപയും പ്രതിമാസ ടിക്കറ്റുകളുടെ വില ഏകദേശം 200 രൂപയും ആയിരിക്കുമെന്നും റെയിൽവേ വ്യക്തമാക്കിയിട്ടുണ്ട്.

ന്യൂസ് ഡെസ്‌ക്‌

    ന്യൂസ് ഡെസ്‌ക്‌