ശബരിമലയിലെന്നല്ല ആർത്തവകാലത്ത് വീട്ടിലെ ഇൻഡക്ഷൻ കുക്കറിന്റെ അടുത്ത്‌പോലും സ്ത്രീകൾ പോകരുത്; ഇക്കാര്യത്തിൽ കേന്ദ്ര-സംസ്ഥാന സർക്കാരുകൾ ഓർഡിനൻസ് കൊണ്ടുവരണമെന്ന് പ്രയാർ ഗോപാലകൃഷ്ണനും കൊല്ലം തുളസിയും ആവശ്യപ്പട്ടിട്ടുണ്ട്; അടുത്തവർഷം ഭൗതിക ശാസ്ത്രത്തിന്റെ നൊബേൽ സമ്മാനത്തിന് നടൻ ദേവനെ പരിഗണിക്കുന്നുണ്ട്; മണ്ഡലക്കാലവും കാന്തികമണ്ഡലവും പിന്നെ ആർത്തവവും; രജീഷ് പാലവിള എഴുതുന്നു
ശബരിമലയിലെ മണ്ഡലക്കാലം എന്ന വാക്കിന് കാന്തികമണ്ഡലവുമായി വല്ല ബന്ധവും ഉണ്ടോ എന്ന നാസയിലെ ശാസ്ത്രകാരന്മാരെപ്പോലും കുഴപ്പിച്ച പ്രശ്നത്തിന് മലയാളത്തിലെ സുന്ദരനായ വില്ലൻ ശ്രീ.ദേവൻ വളരെ ലളിതമായ വിശദീകരണത്തിലൂടെ വ്യാഖ്യാനം നൽകിയിരിക്കുകയാണ്. അടുത്തവർഷം ഭൗതിക ശാസ്ത്രത്തിന്റെ നൊബേൽ സമ്മാനം നമുക്ക് ഉറപ്പ് വരുത്തുന്ന അദ്ദേഹത്തിന്റെ വാചാമഗോചരവും വസ്തുനിഷ്ഠവുമായ വിശദീകരണത്തിനുമുന്നിൽ അമേരിക്കയും റഷ്യയും ജപ്പാനും ഇനി മുട്ടുകുത്താതെ തരമില്ല. ശരണംവിളികളുടെ ശബ്ദതരംഗങ്ങൾ ഒരു ഇലക്ട്രിക്ക് കാന്തികമണ്ഡലമായി മാറുകയും അതിൽപ്പെട്ടുപോകുന്ന യുവതികൾ സന്താനോൽപ്പാദനംപോലും നഷ്ടപ്പെടുന്ന ദുരവസ്ഥയിൽ എത്തിച്ചേരുമെന്നാണ് അദ്ദേഹത്തിന്റെ വിശദീകരണം. നേരത്തെ ശബരിമലയിലെ സ്ത്രീ പ്രവേശനത്തെ അനകൂലിച്ച സുബ്രഹ്മണ്യം സ്വാമിയും ഇപ്പോൾ കാന്തിക മണ്ഡലത്തിലാണ് കയറിപ്പിടിച്ചത്. E =MC2 (a + b)2 = a2 + 2ab + b2; a2 + b2 = (a + b)2 - 2ab തുടങ്ങിയ സങ്കീർണ്ണമായ സമവാക്യങ്ങളിലൂടെ അനേകകാലമായി അദ്ദേഹം നടത്തിയ ഗവേഷണമാണ് ഇന്ന് ഫലം കണ്ടിരിക്കുന്നത്.
ശബരിമലയിലെ മണ്ഡലക്കാലം എന്ന വാക്കിന് കാന്തികമണ്ഡലവുമായി വല്ല ബന്ധവും ഉണ്ടോ എന്ന നാസയിലെ ശാസ്ത്രകാരന്മാരെപ്പോലും കുഴപ്പിച്ച പ്രശ്നത്തിന് മലയാളത്തിലെ സുന്ദരനായ വില്ലൻ ശ്രീ.ദേവൻ വളരെ ലളിതമായ വിശദീകരണത്തിലൂടെ വ്യാഖ്യാനം നൽകിയിരിക്കുകയാണ്. അടുത്തവർഷം ഭൗതിക ശാസ്ത്രത്തിന്റെ നൊബേൽ സമ്മാനം നമുക്ക് ഉറപ്പ് വരുത്തുന്ന അദ്ദേഹത്തിന്റെ വാചാമഗോചരവും വസ്തുനിഷ്ഠവുമായ വിശദീകരണത്തിനുമുന്നിൽ അമേരിക്കയും റഷ്യയും ജപ്പാനും ഇനി മുട്ടുകുത്താതെ തരമില്ല.
ശരണംവിളികളുടെ ശബ്ദതരംഗങ്ങൾ ഒരു ഇലക്ട്രിക്ക് കാന്തികമണ്ഡലമായി മാറുകയും അതിൽപ്പെട്ടുപോകുന്ന യുവതികൾ സന്താനോൽപ്പാദനംപോലും നഷ്ടപ്പെടുന്ന ദുരവസ്ഥയിൽ എത്തിച്ചേരുമെന്നാണ് അദ്ദേഹത്തിന്റെ വിശദീകരണം. നേരത്തെ ശബരിമലയിലെ സ്ത്രീ പ്രവേശനത്തെ അനകൂലിച്ച സുബ്രഹ്മണ്യം സ്വാമിയും ഇപ്പോൾ കാന്തിക മണ്ഡലത്തിലാണ് കയറിപ്പിടിച്ചത്.
E =MC2 (a + b)2 = a2 + 2ab + b2; a2 + b2 = (a + b)2 - 2ab തുടങ്ങിയ സങ്കീർണ്ണമായ സമവാക്യങ്ങളിലൂടെ അനേകകാലമായി അദ്ദേഹം നടത്തിയ ഗവേഷണമാണ് ഇന്ന് ഫലം കണ്ടിരിക്കുന്നത്. ഈ സിദ്ധാന്തമനുസരിച്ച് ശബരിമലയിലെന്നല്ല ആർത്തവകാലത്ത് വീട്ടിലെ ഇൻഡക്ഷൻ കുക്കറിന്റെ അടുത്ത് പോലും സ്ത്രീകൾ പോകരുത് എന്ന നിയമപ്രകാരമുള്ള മുന്നറിയിപ്പ് നൽകാൻ കേന്ദ്ര-സംസ്ഥാന സർക്കാരുകൾ ഓർഡിനൻസ് കൊണ്ടുവരണമെന്ന് പ്രയാർ ഗോപാലകൃഷ്ണനും കൊല്ലം തുളസിയും ആവിശ്യപ്പെട്ടിട്ടുണ്ട്.
ഇതുവരെ അറിഞ്ഞതും പഠിച്ചതുമല്ല ക്ഷേത്രങ്ങളിലെ കാന്തികമണ്ഡലമെന്ന് ലോകം തിരിച്ചറിയുകയാണ് സുഹൃത്തുക്കളേ തിരിച്ചറിയുകയാണ്. ഇത് നാസയ്ക്ക് കണ്ടുപിടിക്കാൻ കഴിയാതെ പോയതിൽ ക്ഷുഭിതനായ ഡൊണാൾഡ് ട്രംപ് അമേരിക്കയിലെ കംപ്ലീറ്റ് ശാസ്ത്രകാരന്മാരെയും രാവിലെ വിളിച്ചുണർത്തി പുളിച്ച തെറിവിളിച്ചെന്ന് ഡെക്കാൻ ക്രോണിക്കൽ റിപ്പോർട്ട് ചെയ്തിട്ടുണ്ട്. ശബരിമലയിലേക്ക് ശാസ്ത്രസംഘത്തെ അയയ്ക്കാൻ അദ്ദേഹം തീരുമാനിച്ചതായും നമ്മുടെ പ്രധാനമന്ത്രിയെ അറിയിച്ചതായും മലയാളമനോരമ എഴുതിക്കണ്ടു. കുഞ്ഞച്ചൻ ചേട്ടൻ പറഞ്ഞാൽ എനിക്ക് മറുത്ത് പറയാൻ പറ്റുമോ ചേട്ടാ എന്ന് അമിത്ഷായുടെ സിനിമാ ലൊക്കേഷനിൽ നിന്നും മോദിജി അറിയിച്ചതായി ടൈംസ് ഓഫ് ഇന്ത്യയും പറയുന്നു. ശാസ്ത്രലോകത്തിന് അനന്തസാദ്ധ്യതകൾ തുറന്നുകൊടുക്കുന്ന ദേവന്റെയും സുബ്രമണ്യൻ സ്വാമിയൂടെയും കണ്ടെത്തൽ നമ്മുടെ പലധാരണകളെയും ഉടച്ചുവാർക്കുന്നതാണ്. എന്റെ അത്തിപ്പാറ അമ്മച്ചി ജീവൻ വേണേ ഓടിക്കോ ....( ഇതൊരു ട്രോൾ ആണെ)
യാഥാർഥ്യം: ഭൗമകാന്തികമണ്ഡലത്തിന്റെ ഒരുലക്ഷത്തി നാൽപ്പതിനായിരം കൂടുതൽ വരും അത്യാധുനികമായ ഒരു MRI സ്‌കാനറിന്റെ കാന്തികമണ്ഡലം. അതിനേക്കാൾ എത്രയോ ഇരട്ടി അധികമാണ് കണ്ണടച്ച് തുറക്കുംമുൻപേ കുതിച്ചുപായുന്ന അത്യാധുനിക മാഗ് ലെവ് ട്രെയിനുകൾ. ജപ്പാനും ജർമ്മനിയും ചൈനയുമൊക്കെ നിലവിലുള്ളതിലും വേഗതയേറിയ കാന്തിക ട്രെയിനുകളും സമാന സംവിധാനങ്ങളും വികസിപ്പിക്കാനുള്ള ആരോഗ്യകരമായ മത്സരങ്ങളിലാണ്.
അതിശക്തമായ കാന്തികമണ്ഡലത്തിൽ നിലംതൊടാതെ പറക്കുന്ന ഇത്തരം മാഗ്നെറ്റിക് ട്രെയിനുകൾ ലോകത്തെ പലരാജ്യങ്ങളിലും പ്രതിദിനം പതിനായിരക്കണക്കിന് യാത്രക്കാരുമായി സർവീസ് നടത്തുന്നുണ്ട്. കാന്തികം എന്നർത്ഥമുള്ള മാഗ്നെറ്റിക് (Magnetic) അന്തരീക്ഷത്തിലൂടെ ചലിക്കുന്നത് എന്നർത്ഥമുള്ള ലെവിറ്റേയ്ഷൻ (Levitation) എന്നീ രണ്ടുവാക്കുകളിൽ നിന്നാണ് മാഗ് ലെവ് എന്ന പേര് ഈ സംവിധാനത്തിന് കിട്ടിയത്. ഇതൊക്കെ ഉപയോഗിക്കുന്നതിനേക്കാൾ അപകടകരമാണ് ശബരിമലയിൽ മണ്ഡലകാലത്തെ കാന്തികമണ്ഡലത്തിലൂടെ യുവതികൾ കടന്നുപോയാലുള്ള അവസ്ഥയെന്ന് പറയുന്നവരുടെ ബുദ്ധി പരിശോധിക്കേണ്ടതാണ്.
