കൊച്ചി: മാർട്ടിൻ പ്രക്കാട്ട് ചിത്രം നായാട്ടിലെ ജോജുവിന്റെ കഥാപാത്രമായ സീനിയർ സിവിൽ പൊലീസ് ഓഫീസർ മണിയൻ മികച്ച അഭിപ്രായം നേടിക്കൊണ്ടിരിക്കുകയാണ്.ചിത്രത്തെക്കുറിച്ച് വ്യത്യസ്താഭിപ്രായങ്ങൾ ഉണ്ടെങ്കിലും കഥാപാത്രത്തെ ഏക സ്വരത്തിൽ എല്ലാവരും ഏറ്റെടുത്തിരിക്കുകയാണ്.

ഇപ്പോഴിത അഭിനയത്തെ പ്രശംസിച്ച് ബോളിവുഡ് നടൻ രാജ്കുമാർ റാവു രംഗത്തെത്തിയിരിക്കുകയാണ്. എന്തൊരു മികച്ച പ്രകടനമാണ് നിങ്ങളുടേതെന്നാണ് രാജ്കുമാർ റാവു ജോജുവിനോട് പറഞ്ഞത്. ഇൻസ്റ്റഗ്രാമിലൂടെയായിരുന്നു രാജ്കുമാറിന്റെ പ്രതികരണം.

'എന്തൊരു മികച്ച പ്രകടനമായിരുന്നു സർ നിങ്ങളുടേത്. ചിത്രം വളരെയധികം ഇഷ്ടപ്പെട്ടു. ഇത്തരം പെർഫോമൻസിലൂടെ ഞങ്ങളെപ്പോലുള്ളവരെ ഇനിയും അതിശയിപ്പിച്ചു കൊണ്ടിരിക്കുക', രാജ്കുമാർ റാവു ഇൻസ്റ്റഗ്രാമിലെഴുതി.


ജോജു തന്നെയാണ് ഈ സന്ദേശത്തിന്റെ സ്‌ക്രീൻഷോട്ട് ഇൻസ്റ്റഗ്രാമിൽ പോസ്റ്റ് ചെയ്തത്.

ജോജു ജോർജ്ജ്നായാട്ട്‌രാജ്കുമാർ റാവു