മുംംബൈ: രാഹുൽ സദാശിവൻ സംവിധാനം ചെയ്ത 'ഭൂതകാല'ത്തിന് ബോളിവുഡിൽ നിന്നും അഭിനന്ദനം. നിരവധി ഹൊറർ ത്രില്ലെർ സിനിമകൾ സമ്മാനിച്ച പ്രശസ്ത ബോളിവുഡ് സംവിധായകൻ റാം ഗോപാൽ വർമ്മയാണ് ഭൂതകാലം സിനിമ കണ്ട് തന്റെ അഭിപ്രായം പങ്കുവച്ചിരിക്കുന്നത്.

'എക്‌സോസിസ്റ്റിനു ശേഷം ഞാൻ കണ്ടതിൽ വച്ച് ഏറ്റവും റിയലിസ്റ്റിക്കായ ഹൊറർ സിനിമയാണ് 'ഭൂതകാലം'. ഭയപ്പെടുത്തുന്ന അന്തരീക്ഷം സൃഷ്ടിച്ച് പ്രേക്ഷകരെ പിടിച്ചിരുത്തുന്നതിൽ വിജയിച്ച ഭൂതകാലത്തിന്റെ സംവിധായകൻ രാഹുൽ സദാശിവനും നിർമ്മാതാവ് അൻവർ റഷീദിനും അഭിനന്ദനങ്ങൾ. ഷെയ്ൻ നിഗമും ബഹുമുഖ പ്രതിഭയായ രേവതിയും മികച്ച പ്രകടനം കാഴ്‌ച്ച വച്ചു..ഭൂതകാലത്തിന് പിന്നിൽ പ്രവർത്തിച്ച മുഴുവൻ ടീമിനും അഭിനന്ദനങ്ങൾ.'രാം ഗോപാൽ വർമ ട്വീറ്റ് ചെയ്തു.

ഒടിടി റിലീസായെത്തിയ ചിത്രത്തിൽ സൈജു കുറുപ്പ്, മഞ്ജു പത്രോസ്, വത്സല മേനോൻ തുടങ്ങിയവരാണ് മറ്റ് കഥാപാത്രങ്ങളെ അവതരിപ്പിച്ചത്. ഷെയ്ൻ നിഗം ഫിലിംസിന്റെ ബാനറിൽ ഷെയ്നിന്റെ മാതാവ് സുനില ഹബീബും പ്ലാൻ ടി ഫിലിംസിന്റെ ബാനറിൽ തേരേസ റാണിയും ചേർന്നാണ് ചിത്രം നിർമ്മിച്ചത്.

 

ഭൂതകാലംരാഹുൽ സദാശിവൻറാം ഗോപാൽ വർമ്മഷെയിൻ നിഗം

മറുനാടന്‍ മലയാളി

    മറുനാടന്‍ മലയാളി ബ്യൂറോ