കുറെ ദിവസങ്ങളായി ബോളിവുഡ് യുവതാരം രൺബീർ കപൂറാണ് ഗോസിപ്പ് കോളങ്ങളിലെ പ്രധാന കഥാപാത്രം. രൺബീർ ഉടൻ വിവാഹിതനാകുമെന്നും ഭാവി വധുവിനെ കാണാൻ രൺബീറും അമ്മ നീതു കപൂറും ലണ്ടനിലേക്ക് യാത്ര പുറപ്പെട്ടിട്ടുണ്ടെന്നുമായിരുന്നു വാർത്തകൾ.

ഇപ്പോഴിതാ രൺബീറിന്റെ ഒരു ഫോട്ടോ ഷൂട്ട് സമൂഹമാധ്യമങ്ങളിൽ വൈറലായി കൊണ്ടിരിക്കുകയാണ്. പ്രേക്ഷകർക്ക് പരിചയമില്ലാത്ത ഒരു പെൺകുട്ടിക്കൊപ്പമുള്ള ഈ ചിത്രങ്ങൾ രൺബീർ ആരാധകരിൽ വലിയ ആശയക്കുഴപ്പം സൃഷ്ടിച്ചു. രൺബീറിനായി അമ്മ കണ്ടു പിടിച്ച ജീവിത പങ്കാളി ഈ 'അജ്ഞാത സുന്ദരി'യാണ് എന്ന തരത്തിലും ചർച്ചകൾ പൊടിപൊടിക്കുന്നത്.

എന്നാ ആ ചിത്രങ്ങൾക്ക് പിന്നിലെ രഹസ്യം ഇപ്പോൾ പുറത്തായിരിക്കുകയാണ്. ഒരു പരസ്യചിത്രത്തിന്റെ ചിത്രീകരണത്തിനിടെ എടുത്ത ചിത്രങ്ങളാണിതെന്ന് രൺബീറിനോടടുത്തുള്ള വൃത്തങ്ങൾ പറയുന്നു.