കടുത്ത ശൈത്യകാലമാണ് ബ്രിട്ടനിപ്പോൾ. എന്നാൽ, വിദ്യാർത്ഥികളുടെ ആവേശത്തിന് ചൂടുകൂടുതലാണ്. കേംബ്രിഡ്ജ് സർവകലാശാലയിലെ ഏറ്റവും മികച്ച നിതംബം ആരുടേതാണെന്ന് കണ്ടെത്താനുള്ള റിയർ ഓഫ് ദ ഇയർ മത്സരത്തിന് തണുപ്പിനെ തെല്ലും കൂസാതെ തുണിയഴിച്ച് അവർ തെരുവിലേക്കിറങ്ങി.

കേംബ്രിഡ്ജ് സർവകലാശാലയിൽ എല്ലാവർഷവും നടക്കുന്ന വിചിത്രമായ മത്സരമാണിത്. നഗരത്തിലെ പ്രധാന കേന്ദ്രങ്ങളിൽ നഗ്നരായി പുറംതിരിഞ്ഞുനിന്ന് ഫോട്ടോയ്ക്ക് പോസ് ചെയ്യുകയാണ് വേണ്ടത്. ഇക്കൊല്ലം 10 വിദ്യാർത്ഥികളാണ് മത്സരത്തിൽ പങ്കെടുത്തത്. സെനറ്റ് ഹൗസിനും കേംബ്രിഡ്ജിലെ പഴയ പാലത്തിനുമുന്നിലും ഗ്രീൻ സ്ട്രീറ്റിലുമൊക്കെ അവർ ശരീരഭംഗി പ്രദർശിപ്പിച്ചു.

ഇംഗ്ലീഷ് സാഹിത്യ വിദ്യാർത്ഥിയായ റോജർ, നാച്ചുറൽ സയൻസ് വിദ്യാർത്ഥി ആഞ്ജലീക്ക, ക്ലാസിക്‌സ് വിദ്യാർതി ക്ലൈവ്, മെഡിസിൻ വിദ്യാർത്ഥി ലിയോനാർഡ്, ലാൻഡ് ഇക്കണോമി വിദ്യാർത്ഥി വിർജീനിയ, ഹിസ്റ്ററി വിദ്യാർത്ഥി ഡോറ, ഹിസ്റ്ററി ഓഫ് ആർട്ട് വിദ്യാർത്ഥി വനേസ, നിയമ വിദ്യാർത്ഥി വിറ്റ തുടങ്ങിയവർ മത്സരത്തിൽ പങ്കെടുത്തു.

ഫോട്ടോ എടുത്താൽ മാത്രം പോര, അതിന് പശ്ചാത്തലത്തിന്റെ ഭംഗികൂടി വിശദമാക്കുന്ന തരത്തിലുള്ള അടിക്കുറിപ്പ് സഹിതം വേണം സമർപ്പിക്കാൻ. എന്തുകൊണ്ട് ഈ പശ്ചാത്തലം തിരഞ്ഞെടുത്തുവെന്നും അത് നിങ്ങളുടെ ജീവിതത്തെ എങ്ങനെ സ്വാധീനിച്ചുവെന്നും അടിക്കുറിപ്പിൽ വിശദമാക്കണം. ദ ടാബ് എന്ന സംഘടനയാണ് എല്ലാവർഷവും ഈ മത്സരം സംഘടിപ്പിക്കുന്നത്.