ചുംബന വിവാദം ചൂട് പിടിക്കുമ്പോൾ സദാചാരവാദികൾ പൊതുവായി ഉന്നയിക്കുന്ന ചില ചോദ്യങ്ങൾ ഉണ്ട്. പ്രത്യേകിച്ച് നവംബർ രണ്ടിന് മറൈൻ ഡ്രൈവിൽ സംഘടിപ്പിച്ചിരിക്കുന്ന ചുംബന കൂട്ടായ്മയെ ആക്രമിക്കുന്നവർ. ഇത്തരക്കാരുടെ ചോദ്യങ്ങൾക്ക് ഉത്തരം നൽകുകയാണ് സോഷ്യൽ മീഡിയ ഗ്രൂപ്പുകളിലെ സജീവ സാന്നിധ്യമായ ഫർമിഷ് ഹഷിം.

ചുംബനക്കൂട്ടായ്മയുമായി ബന്ധപ്പെട്ട് ആവറേജ് മലയാളി തുണ്ട്കാണി സമൂഹത്തിനു വേണ്ടി തയ്യാറാക്കിയ FAQ: (മേലാൽ ഇത്തരം ചോദ്യങ്ങൾ ആവർത്തിക്കരുത്!)

1. നിന്റെ അമ്മയേയും പെങ്ങളേയും കൊണ്ടു വരുമോടാ?

അമ്മയും പെങ്ങളും രണ്ട് സ്വതന്ത്ര വ്യക്തിത്വങ്ങൾ ആണ്. അവർക്ക് താല്പര്യമുണ്ടെങ്കിൽ പങ്കെടുക്കും. അവർ പങ്കെടുക്കുന്നതുകൊണ്ട് എന്റെ കുടുംബത്തിലെ സദാചാരം ഇടിഞ്ഞ് വീഴില്ല. അവിടെ പങ്കെടുക്കുന്ന ഓരോരുത്തരും ഇത് പോലെ ആരുടേയെങ്കിലുമൊക്കെ പെങ്ങളും, അമ്മയും, അച്ഛനും, സഹോദരനുമൊക്കെ ആണ്.

2. നിന്റെ പെങ്ങളെ എനിക്ക് ചുംബിക്കാൻ തരുമോടാ?

നിന്നെക്കണ്ട് അവൾക്ക് ചുംബിക്കാൻ തോന്നിയെങ്കിൽ അതിൽ 'ഞാൻ' ഇടപെടേണ്ട കാര്യമില്ല. പക്ഷേ അവൾക്ക് കൂടെ തോന്നണം!. ചുംബനം എന്നത് രണ്ട് പേർക്കും സ്വീകാര്യമായിരിക്കണം. അല്ലാതെ കയറി ചുംബിക്കാൻ നിന്ന് കഴിഞ്ഞാൽ അവളുടെ ചെരിപ്പിന്റെ കനം അളക്കാം. ആൾക്കൂട്ടത്തിനു മുമ്പിൽ നിന്ന് അന്തസ്സോടെ അത് മേടിക്കാൻ തയ്യാറുണ്ടെങ്കിൽ വരിക. ഇനി പരസ്പരം സമ്മതത്തോടെ ഉമ്മ വെക്കാനാണെങ്കിലും ആൾക്കൂട്ടത്തിനു മുമ്പിൽ അത് ചെയ്യാനുള്ള ധൈര്യമുണ്ടെങ്കിൽ വരിക.

3. ചുംബനം മാത്രേയുള്ളോ? വേറെ കലാപരിപാടി ഒന്നുമില്ലേ?

ഒരു പാട് തുണ്ട്പടങ്ങൾ കാണുന്നതുകൊണ്ടുള്ള കുഴപ്പമാണിത്. ചുംബനം കഴിഞ്ഞാൽ നേരെ ലിംഗം എടുത്ത് യോനിക്കകത്ത് ഇടുകയല്ല ഹോമോ സാപിയൻസ് ചെയ്യാറ്. അതൊക്കെ പോൺ മൂവികളിൽ മാത്രമേ ഉള്ളൂ. ചുംബനം എന്നത് സ്‌നേഹം പ്രകടിപ്പിക്കാനുള്ള ഒരുപാധി മാത്രമാണ്.

4. ആളെ ഞാൻ കൊണ്ടരണോ അതോ സംഘാടകർ തരുമോ?

ബിവറേജിൽ ക്യൂ നിന്ന് മദ്യം വാങ്ങുന്നത് പോലെ കാശു കൊടുത്താൽ കിട്ടുന്ന ലൈംഗികത മാത്രം ശീലിച്ചു പോയതുകൊണ്ടാണ് ഇങ്ങനെ ഉള്ള ചോദ്യങ്ങൾ വരുന്നത്. ജനിച്ചിട്ട് ഇത്രയും വയസ്സായിട്ട് ഒരാളെക്കൊണ്ട് പോലും തന്നെ പ്രണയിപ്പിക്കാനുള്ള 'സ്റ്റഫ്' കയ്യിലില്ലെങ്കിൽ ഇപ്പരിപാടിക്ക് ഇറങ്ങാതിരിക്കുന്നതാണ് നല്ലത്. ഇനി അഥവാ ഒരു പെണ്ണിനെ പ്രണയിക്കാൻ കിട്ടിയാൽ പോലും നിനക്ക് ചുംബിക്കാൻ കഴിയില്ല. അവൾ മൂത്രമൊഴിക്കുന്ന വീഡിയോ വല്ലതും വാട്ട്‌സാപ്പിൽ ഷെയർ ചെയ്ത് കിട്ടിയാൽ സ്വയംഭോഗം ചെയ്ത് കാമം തീർക്കാനേ നിന്നെക്കൊണ്ട് കഴിയൂ.

5. നിന്റെയൊക്കെ മാതാപിതാക്കളെ വിളിച്ചോണ്ട് വരുമോടാ ഇതിനൊക്കെ?

മാതാപിതാക്കൾ ഇന്നേ വരെ ചെയ്യാത്ത ഒരു കാര്യമാണല്ലോ ഉമ്മ വെക്കൽ! നീന്റെ പകുതി പുംബീജമായി പിതാവിന്റെ ലിംഗത്തിലൂടെ സഞ്ചരിച്ച് അമ്മയുടെ അണ്ഡത്തിൽ കയറുന്ന സമയത്തിനും മുമ്പ് തുടങ്ങിയതാണ് അവരീ ബിസിനസ്. അങ്ങിനെ ഉള്ള നീ ഒരു പെണ്ണിനെ / ആണിനെ ഉമ്മ വെക്കുന്നത് കണ്ട് അവർക്ക് സ്ഖലിക്കുക ഒന്നുമില്ല