ലോകരക്ഷിതാവും നമ്മുടെ കർത്താവുമായ ഈശോമിശിഹായുടെ തിരുപ്പിറവിക്ക് ഒരുക്കമായുള്ള നോമ്പുകാലത്ത്, റാംസ്ഗേറ്റ് ഡിവൈൻ ധ്യാനകേന്ദ്രത്തിൽ എല്ലാ ആഴ്ചയും മലയാളത്തിലുള്ള ധ്യാനങ്ങൾ നടത്തപ്പെടുന്നു. ഡിസംബർ 16 വെള്ളിയാഴ്ച രാവിലെ 8.30 ന് ആരംഭിച്ച് ഡിസംബർ 18 ഞായറാഴ്ച വൈകുന്നേരം 4.30 ന് സമാപിക്കുന്ന ആന്തരികസൗഖ്യധ്യാനവും ഡിസംബർ 23 വെള്ളിയാഴ്ച രാവിലെ 8.30 ന് ആരംഭിച്ച് ഡിസംബർ 25 ഞായറാഴ്ച വൈകുന്നേരം 4.30 ന് സമാപിക്കുന്ന ഇമ്മാനുവേൽ ധ്യാനവും നയിക്കുന്നത് ലോകപ്രശസ്ത വചനപ്രഘോഷകരായ ഫാ. ജോർജ് പനക്കൽ (ഡയറക്ടർ, ഡിവൈൻ ധ്യാനമന്ദിരം റാംസ്‌ഗേറ്റ്), ഫാ. മൈക്കിൾ പയ്യപ്പിള്ളി (ഡയറക്ടർ, ഡിവൈൻ ധ്യാനമന്ദിരം ഓസ്ട്രേലിയ), ഫാ. ആന്റണി പറങ്കിമാലിൽ (ഡയറക്ടർ, ഡിവൈൻ ധ്യാനമന്ദിരം ആഫ്രിക്ക), ഫാ. ജോസഫ് ഏടാട്ട് (അസി. ഡയറക്ടർ, ഡിവൈൻ ധ്യാനമന്ദിരം റാംസ്ഗേറ്റ്) തുടങ്ങിയവരാണ്.

തിരുപ്പിറവിയുടെ ആഘോഷമായ കർമ്മങ്ങൾ ഡിസംബർ 24 ശനിയാഴ്ച രാത്രി 11.30 ന് ധ്യാനകേന്ദ്രത്തിൽ അച്ചന്മാരുടെ കാർമ്മികത്വത്തിൽ നടത്തപ്പെടുന്നതാണ്. താമസിക്കു ന്നതിനുള്ള സൗകര്യവും വാഹനങ്ങൾ പാർക്ക് ചെയ്യുന്നതിനുള്ള സ്ഥലവും ഭക്ഷണവും ധ്യാനകേന്ദ്രത്തിൽ ഉണ്ടായിരിക്കുന്നതാണ്. ധ്യാനാവസരത്തിൽ കുമ്പസാരിക്കുന്നതിനും കൗൺസിലിംഗിനും സൗകര്യമുണ്ടായിരിക്കുന്നതാണ്. ദൈവവചനത്താലും വിശുദ്ധ കൂദാശകളാലും സ്തുതി ആരാധനയാലും കഴുകപ്പെട്ട്, ദൈവസ്‌നേഹത്താൽ നിറഞ്ഞ്, തിരുക്കുമാരനെ സ്വീകരിക്കാൻ ഏവരേയും പ്രാർത്ഥനാപൂർവ്വം സ്വാഗതം ചെയ്യുന്നു.

ധ്യാനങ്ങളിൽ പങ്കെടുക്കുവാൻ താൽപ്പര്യമുള്ളവർ മുൻകൂട്ടി സീറ്റുകൾ ബുക്ക് ചെയ്യേണ്ടതാണ്. ധ്യാനം നടക്കുന്ന ഡിവൈൻ ധ്യാനകേന്ദ്രത്തിന്റെ വിലാസം :

Divine Retreat Centre,
St. Augustines Abbey,
St. Augustines Road
Ramsgate, Kent - CT11 9PA

കൂടുതൽ വിവരങ്ങൾക്കും അന്വേഷണങ്ങൾക്കും ബുക്കിംഗിനും ബന്ധപ്പെടുക :
Phone : 01843586904, 07721624883