ബാൾട്ടിമൂർ: വലിയ നോമ്പിനോട് അനുബന്ധിച്ച് സെന്റ് അൽഫോൻസാ സീറോ മലബാർ പള്ളി സംഘടിപ്പിക്കുന്ന നോമ്പുകാല ധ്യാനം മാർച്ച് 13,14,15 തീയതികളിൽ നടത്തപ്പെടുന്നതാണ്. പ്രശസ്ത ധ്യാനഗുരുവും മുരിങ്ങൂർ ധ്യാനകേന്ദ്രത്തിന്റെ ഡയറക്ടറുമായ റവ.ഫാ. മാത്യു ഇലവുങ്കൽ വി സിയാണ് ധ്യാനം നയിക്കുന്നത്.

ബാൾട്ടിമൂർ കമ്യൂണിറ്റിയുടെ ചിരകാല പ്രതീക്ഷയായ സെന്റ് അൽഫോൻസാ പള്ളിയിൽ വച്ച് നടത്തുന്ന ആദ്യത്തെ ധ്യാനമാണിത്. മാർച്ച് 13-ന് വെള്ളിയാഴ്ച വൈകിട്ട് 6 മുതൽ 9.30 വരേയും, മാർച്ച് 14, 15 തീയതികളിൽ രാവിലെ 9 -ന് ആരംഭിച്ച് വൈകിട്ട് 6 മണിക്ക് അവസാനിക്കുന്നതാണ്. സെന്റ് അൽഫോൻസാ പള്ളി വികാരി ഫാ. ജയിംസ് നിരപ്പേൽ അറിയിച്ചതാണ് ഈ വാർത്ത.