ബ്രിസ്‌ബേൻ: പ്രശസ്ത വചന പ്രഘോഷകനും വാഗ്മിയും പോട്ട ഡിവൈൻ ധ്യാനകേന്ദ്രത്തിന്റെ ഡയറക്ടറുമായ മാത്യു ഇലവുങ്കൽ അച്ചന്റെ നേതൃത്വത്തിൽ നടത്തപ്പെടുന്ന ആത്മാഭിഷേക ധ്യാനത്തിനുള്ള ഒരുക്കങ്ങൾ പൂർത്തിയായതായി വികാരി ഫാ. പീറ്റർ കാവുമ്പുറം, ട്രസ്റ്റിമാരായ സിബി ജോസഫ്, ജോളി കെ പൗലോസ് എന്നിവർ അറിയിച്ചു.

മാർച്ച് 11 വെള്ളിയാഴ്ച വൈകിട്ട് 6 മുതൽ 9 മണി വരെയും മാർച്ച് 12 ശനിയാഴ്ച രാവിലെ 9 മണി മുതൽ വൈകിട്ട് 5 മണി വരെയും 13-ാം തീയതി ഞായറാഴ്ച രാവിലെ 11 മണി മുതൽ രാത്രി 7 മണി വരെയും മൗണ്ട് ഗ്രാവറ്റ്, ക്രീക് റോഡിലുള്ള ഗ്രീക്ക് ഓർത്തഡോക്‌സ് പള്ളിയിൽ വച്ചായിരിക്കും ധ്യാനം നടക്കുക. ബ്രിസ്‌ബേൻ സെന്റ് തോമസ് സീറോ മലബാർ ഇടവകയുടെ ആഭിമുഖ്യത്തിൽ നടത്തപ്പെടുന്ന ഈ വാർഷിക ധ്യാനത്തിലേയ്ക്ക് എല്ലാ ഇടവകാംഗങ്ങളേയും വിശ്വാസികളേയും പാരിഷ് കൗൺസിൽ അംഗങ്ങൾ ക്ഷണിക്കുന്നു.

ധ്യാന ദിവസങ്ങളിൽ ദൂരെ നിന്നും വരുന്നവർക്ക് പ്രത്യേക താമസ സൗകര്യം ഒരുക്കുന്നതാണ്. ധ്യാന ദിവസങ്ങളിൽ കുമ്പസാരിക്കുന്നതിനും കൗൺസിലിങ്ങിനും പ്രത്യേക സൗകര്യം ഉണ്ടായിരിക്കുന്നതാണ്.

താമസസ്ഥലം ആവശ്യമുള്ളവരും കൗൺസിലിങ്ങിന് പേര് രജിസ്റ്റർ ചെയ്യുന്നവരും ബന്ധപ്പെടുക ഫാ. പീറ്റർ കാവുമ്പുറം (0490 037842), സിബി ജോസഫ് (0470 250291), ജോളി കെ പൗലോസ് (0470 527464), ഹണി വൈനേടത്ത് (0426 262001), സൈമൺ മുളംഗനി (0419 176925)

ധ്യാന സ്ഥലത്തിന്റെ അഡ്രസ്സ് Greek Orthodox Church, 269 Creek Road, Mount Gravatt East