കണക്ടിക്കട്ട്: അമേരിക്കയിൽ കഴിഞ്ഞ 14 വർഷമായി മരിയൻ ടിവിയിലൂടെയും, നിരവധിയായ ധ്യാനങ്ങളിലൂടെയും, വിവിധങ്ങളായ ആത്മീയ ശുശ്രൂഷകളിലൂടെയും പതിനായിരക്കണക്കിന് ദൈവജനത്തെ ആത്മീയകൃപയുടെ വഴിയിലേക്ക് നയിച്ചുകൊണ്ടിരിക്കുന്ന ക്യൂന്മേരി മിനിസ്ട്രിയുടെ നേതൃത്വത്തിൽ കണകടിക്കട്ടിലുള്ള ഔവർ ലേഡി ഓഫ് അസംപ്ഷൻ സീറോ മലബാർ കാത്തലിക് മിഷനിൽ മാർച്ച്  14, 15 തീയതികളിൽ നോമ്പുകാല കുടുംബ നവീകരണ ധ്യാനം നടത്തുന്നു.

പരിശുദ്ധ പിതാവ് പോപ്പ് ഫ്രാൻസീസ് ആഗോള കത്തോലിക്കാ സഭയിൽ കുടുംബവർഷം പ്രഖ്യാപിച്ചിരിക്കുന്ന ഈ കാലഘട്ടത്തിൽ കുടുംബ ബന്ധങ്ങളുടെ നവീകരണത്തേയും വിശുദ്ധീകരണത്തേയും ലക്ഷ്യംവച്ച് നടത്തപ്പെടുന്ന ഈ നോമ്പുകാല ധ്യാനത്തിലൂടെ വിശ്വാസത്തിൽ ഉറച്ച ക്രൈസ്തവ ജീവിതം പടുത്തുയർത്തുവാനും, കുടുംബ ജീവിതത്തെക്കുറിച്ചുള്ള ദൈവീക സത്യങ്ങൾ ഉൾക്കൊള്ളാനും, പരസ്പരം വിശുദ്ധീകരിക്കപ്പെടുന്ന സഹനത്തിന്റെ രക്ഷാകര ദൗത്യം മനസിലാക്കുന്നതിനും, തിരുസഭയോട് ചേർന്നുനിന്നുകൊണ്ട് ഗാർഹികമായ കുടുംബങ്ങൾ കൂദാശകളിലൂടെയുള്ള ദൈവീക സാന്നിധ്യം തിരിച്ചറിഞ്ഞ് കുടുംബജീവിതത്തെ സ്വർഗ്ഗീയ അനുഭവമാക്കി മാറ്റപ്പെടുവാനും ഉതകുന്ന ഈ നവീകരണ ധ്യാനം അനുഗ്രഹീത വചന പ്രഘോഷകരായ റവ.ഫാ. റ്റോം തോമസ് എം.എസ്.എഫ്.എസ്, ബ്രദർ പി.ഡി. ഡൊമിനിക് (ചെയർമാൻ, മരിയൻ ടിവി), ബ്ര. മാത്യു ഡൊമിനിക് എന്നിവർ നേതൃത്വം നൽകുന്നു.

രണ്ട് ദിവസങ്ങളിലായി നടത്തപ്പെടുന്ന ഈ ധ്യാനം മാർച്ച് 14-ന് ശനിയാഴ്ച രാവിലെ 9 മണി മുതൽ വൈകിട്ട് 6 മണി വരേയും, 15-ന് ഞായറാഴ്ച രാവിലെ 9 മണി മുതൽ വൈകിട്ട് 5 മണി വരേയുമാണ്. ധ്യാനം നടക്കുന്ന സ്ഥലം: Our Lady of Star of the sea Church, 1200 Shippan Ave, Stamford, CT 06902.  കർത്താവിന്റെ പീഡാസഹനത്തെക്കുറിച്ച് ധ്യാനിക്കുന്ന ഈ പുണ്യപ്പെട്ട വലിയനോമ്പവസരത്തിൽ ദൈവ വചനത്താൽ പ്രബുദ്ധരായി ആത്മപരിവർത്തനം നേടുവാനും, വിശ്വാസത്തിന്റെ ആഴങ്ങളിലേക്ക് വളരുവാനും, സൗഖ്യത്തിന്റെ കൃപയിലേക്ക് കടന്നുവരുവാനും സഭാ വ്യത്യാസമെന്യേ മിഷൻ ഡയറക്ടർ ഫാ. ജയിംസ് വട്ടക്കുന്നേൽ വി സി. ഈശോയുടെ നാമത്തിൽ സ്‌നേഹപൂർവ്വം ക്ഷണിക്കുന്നു. ധ്യാനദിവസങ്ങളിൽ പ്രത്യേകമായി രോഗശാന്തി പ്രാർത്ഥനയും, ആന്തരിക സൗഖ്യപ്രാർത്ഥനയും, പരിശുദ്ധാത്മാഭിഷേക പ്രാർത്ഥനയും, കുടുംബ നവീകരണ പ്രാർത്ഥനയും ഉണ്ടായിരിക്കുന്നതാണ്.

കൂടുതൽ വിവരങ്ങൾക്ക്: ഫാ. ജയിംസ് വട്ടക്കുന്നേൽ (ഡയറക്ടർ) 203 451 0017, വിൽസൺ പൊട്ടയ്ക്കൽ (നോർവാക്ക് കോർഡിനേറ്റർ) 203 216 4859, ബിജു വർക്കി (914 565 6325), സിറിയക് കോട്ടൂർ (സ്റ്റാംഫോർഡ് കോർഡിനേറ്റർ) 210 317 0900, ബോബി ജോർജ് (516 244 8910), സൻജു ആന്റണി (ഫെയർഫീൽഡ് കോർഡിനേറ്റർ) 203 274 2702, ജോജി ജോസഫ് (203 455 4682, റോയി സെബാസ്റ്റ്യൻ (ഡാൻബറി കോർഡിനേറ്റർ) 203 770 0249, ജോബിൻ ജോർജ് (203 482 1821).