ഡബ്ലിൻ: സീറോ മലബാർ സഭയുടെ ആഭിമുഖ്യത്തിൽ ലിമറിക്കിൽ എല്ലാ വർഷവും നടത്തിവരാറുള്ള വലിയ ധ്യാനത്തിനുള്ള ഒരുക്കങ്ങൾ പൂർത്തിയായി.  ലിമറിക് റേസ്കോഴ്സിൽ ഓഗസ്റ്റ് 19 മുതൽ 21 വരെയാണ് ഈ വർഷത്തെ ധ്യാനം നടക്കുക.

കരുണയുടെ വാതിൽ 2016 എന്നു പേരിട്ടിരിക്കുന്ന കുടുംബനവീകരണ ധ്യാനം യുകെ സെഹിയോൺ മിനിസ്ട്രിയിലെ റവ. ഫാ. സജി ഓലിക്കലും സംഘവുമാണ് നയിക്കുക. ധ്യാനത്തോടനുബന്ധിച്ച് സെഹിയോൺ യുകെയുടെ നേതൃത്വത്തിൽ കൗൺസലിങ്ങും കുട്ടികൾക്കായുള്ള ധ്യാനവും നടക്കും. ധ്യാനവിജയത്തിനായി എല്ലാ കുടംബങ്ങളുടെയുമ പ്രാർത്ഥന ഉണ്ടാകണമെന്ന് സീറോ മലബാർ സഭ ലിമറിക് പ്രീസ്റ്റ് ഇൻചാർജ് റവ. ഫാ. ജോസ് ഭരണിക്കുളങ്ങര അഭ്യർത്ഥിച്ചു.

കൂടുതൽ വിവരങ്ങൾക്ക് റോബിൻ ജോസഫ് (0894485115), പോമി മാത്യു (0879645463), ജോബി മാനുവൽ (0877906961) എന്നിവരുമായി ബന്ധപ്പെടാം.