റാംസ്‌ഗേറ്റ് ധ്യാനകേന്ദ്രത്തിൽ നായിക്കംപറമ്പിലച്ചനും പനയ്ക്കലച്ചനും നയിക്കുന്ന ഏകദിന ഡിവൈൻ കൺവൻഷനും ആന്തരികസൗഖ്യധ്യാനവും രണ്ടിന്

റാംസ്‌ഗേറ്റ്: ലോകപ്രശസ്ത വചനപ്രഘോഷകരും ലോകമെമ്പാടുമുള്ള ഡിവൈൻ ധ്യാനമന്ദിരങ്ങളുടെ സ്ഥാപകരുമായ മാത്യു നായ്ക്കംപറമ്പിലച്ചനും ജോർജ് പനയ്ക്കലച്ചനും നയിക്കുന്ന ഏകദിന ഡിവൈൻ കൺവൻഷൻ ജൂലൈ രണ്ടാം തീയതി ശനിയാഴ്ച റാംസ്‌ഗേറ്റ് ധ്യാനകേന്ദ്രത്തിൽ വച്ച് നടത്തപ്പെടുന്നു. രാവിലെ 9.30-ന് ആരംഭിക്കുന്ന കൺവൻഷനിൽ റാംസ്‌ഗേറ്റ് ധ്യാനകേന്ദ്രത്തിന്റെ അസിസ്റ്റന്റ് ഡയറക്ടറും ധ്യാനഗുരുവുമായ ഫാ. ജോസഫ് ഏടാട്ട് VC, സി. തെരേസാ വാരക്കുളം FCC തുടങ്ങിയവരും ശുശ്രൂഷ നയിക്കുന്നതാണ്. വിശുദ്ധ കുർബാനയോടും ആരാധനയോടും കൂടി കൺവൻഷൻ വൈകുന്നേരം 4.30-ന് സമാപിക്കും. 

നായിക്കംപറമ്പിലച്ചനും പനയ്ക്കലച്ചനും നയിക്കുന്ന മലയാളത്തിലുള്ള മൂന്നുദിവസത്തെ താമസിച്ചുള്ള ധ്യാനം ജൂലൈ മൂന്നാം തീയതി ഞായറാഴ്ച രാവിലെ 8.30-ന് ആരംഭിച്ച് ജുലൈ അഞ്ചാം തീയതി ചൊവ്വാഴ്ച വൈകുന്നേരം 4.30-ന് സമാപിക്കുന്നതാണ്. ഇംഗ്ലീഷിലുള്ള മൂന്നുദിവസത്തെ താമസിച്ചുള്ള ധ്യാനം ജൂലൈ എട്ടാം തീയതി വെള്ളിയാഴ്ച രാവിലെ 8.30-ന് ആരംഭിച്ച് ജുലൈ പത്താം തീയതി ഞായറാഴ്ച വൈകുന്നേരം 4.30-ന് സമാപിക്കുന്നതാണ്.
ധ്യാനാവസരത്തിൽ കുമ്പസാരിക്കുന്നതിനും കൗൺസിലിംഗിനും സൗകര്യമുണ്ടായിരിക്കുന്നതാണ്. കരുണയുടെ വിശുദ്ധ കവാടത്തിലൂടെ പ്രവേശിച്ച് പരിപൂർണ്ണ ദണ്ഡവിമോചനം നേടുന്നതിനുള്ള അവസരവും ഉണ്ടായിരിക്കുന്നതാണ്. താമസസൗകര്യങ്ങളും ഭക്ഷണക്രമീകരണങ്ങളും പാർക്കിങ്ങ് സൗകര്യവും ധ്യാനകേന്ദ്രത്തിൽ നിന്നും ചെയ്യുന്നതാണ്. ദൈവവചനത്താലും വിശുദ്ധ കൂദാശകളാലും സ്തുതി ആരാധനയാലും കഴുകപ്പെട്ട് ദൈവസ്‌നേഹത്താൽ നിറഞ്ഞ് കുടുംബമായി അഭിഷേകം പ്രാപിക്കാൻ നിങ്ങളേവരേയും ക്ഷണിക്കുന്നു.
ധ്യാനം നടക്കുന്ന ഡിവൈൻ ധ്യാനകേന്ദ്രത്തിന്റെ വിലാസം :
Divine Retreat Centre,
St. Augustines Abbey,
St. Augustines Road
Ramsgate, Kent - CT11 9PA
കൂടുതൽ വിവരങ്ങൾക്കും അന്വേഷണങ്ങൾക്കും ബുക്കിംഗിനും ബന്ധപ്പെടുക :
Fr. Joseph Edattu VC