ബ്രിസ്‌ബേൻ: ബ്രിസ്‌ബേൻ സെന്റ് തോമസ് സെന്റ് അൽഫോൻസാ ഇടവകയുടെയും വിവിധ മാസ് സെന്ററുകളുടെയും ആഭിമുഖ്യത്തിൽ സീറോ മലബാർ സഭയുടെ ധനശേഖരണാർത്ഥം നടത്തപ്പെട്ട റെക്‌സ് ബാൻഡ് ഷോയോട് അനുബന്ധിച്ചു നടന്ന മെഗാ റാഫിൾ ടിക്കറ്റ് നറുക്കെടുപ്പു വിജയി ആയ ബിബിൻ തരുത്തിക്കരയ്ക്ക് സമ്മാനം നൽകി.

ബ്രിസ്ബനിൽ നിന്നും കൊച്ചിയിലേക്കും തിരിച്ചും ഉള്ള സംഗപ്പൂർ എയർലൈൻസിന്റെ ടിക്കറ്റാണ് ഒന്നാം സമ്മാനം. വർഷങ്ങളായി ഈ മേഖലയിൽ പ്രവർത്തിക്കുന്ന ഓറിയോൺ ട്രാവൽസിന്റെ ഡയറക്ടർമാരായ സിജു, ജിൻസ്, ഷിയാൻസ് എന്നിവർ പങ്കെടുത്ത ചടങ്ങിൽ സെന്റ്‌തോമസ് ഇടവക വികാരി ഫാദർ വർഗ്ഗീസ് വാവോലിൽ നിന്നും ബിബിൻ എയർ ടിക്കറ്റ് ഏറ്റു വാങ്ങി.

തലശ്ശേരി രൂപതയുടെ സഹായ മെത്രാൻ മാർ ജോസഫ് പ്ലാമ്പാനി സാക്ഷ്യം വഹിച്ച ചടങ്ങിൽ സെന്റ് തോമസ് രൂപതയുടെ കൈക്കരന്മാരായ റെജി കൊട്ടുകാപ്പള്ളിയും തോമസ് കാച്ചപള്ളിയും പങ്കെടുത്തു. റെക്‌സ് ബാൻഡ് ഷോയുടെ കോർഡിനേറ്റർ ആയ സിബി തോമസ് ഇടവകളുടെ നാമത്തിൽ പരിപാടിയുമായി സകരിച്ച എല്ലാവർക്കും പ്രത്യേകിച്ച് സ്‌പോൺസർമാരായ ഓറിയോൺ ട്രാവൽസിനും വാൾ സ്ട്രീറ്റ് ഫോറിൻ എക്‌സ്‌ചേഞ്ചിനും ഇന്ത്യൻ സ്പയ്‌സ് ഷോപ്പിനും പ്രത്യേകം നന്ദി പറഞ്ഞു.