- HOME
- NEWS
- POLITICS
- SPORTS
- CINEMA
- CHANNEL
- MONEY
- RELIGION
- INTERVIEW
- SCITECH
- OPINION
- FEATURE
- MORE
അർധനഗ്നയായ റിഹാന ധരിച്ചത് ഗണപതിയുടെ ലോക്കറ്റുള്ള മാല; താരത്തിനെതിരെ പ്രചരണം ശക്തമാക്കി സംഘപരിവാർ; പരാതി ഫേസ്ബുക്കിനും ട്വിറ്ററിനും എതിരെയും
അർധനഗ്നയായി ഗണപതിയുടെ ലോക്കറ്റുള്ള മാല ധരിച്ച പോപ് സ്റ്റാർ റിഹാനയ്ക്കെതിരെ സംഘപരിവാർ പ്രതിഷേധം വ്യാപകമാകുന്നു. റിഹാന ഹിന്ദു ദൈവങ്ങളെ കളിയാക്കുകയാണെന്ന ആരോപണമാണ് സംഘപരിവാർ അനുകൂലികൾ ഉയർത്തുന്നത്. റിഹാന അർധനഗ്നയായി ഹിന്ദു ദൈവമായ ഗണപതിയുടെ ലോക്കറ്റ് ധരിച്ച് നിൽക്കുന്ന ഒരു ഫോട്ടോ ട്വിറ്ററിൽ പോസ്റ്റ് ചെയ്തതിന് പിന്നാലെയാണ് താരത്തിനെതിരായ പ്രചാരണം ശക്തമായത്.
റിഹാന മനപ്പൂർവ്വം ഹിന്ദു മത വികാരം വ്രണപ്പെടുത്താൻ ശ്രമിക്കുകയാണെന്നും ഇന്ത്യൻ സംസ്കാരത്തോട് റിഹാനയ്ക്ക് യാതൊരു ബഹുമാനവുമില്ലെന്നാണ് ചിത്രം തെളിയിക്കുന്നത് എന്നുമാണ് പ്രധാനമായും ഉയരുന്ന വിമർശനം. അതേസമയം തീവ്ര വലത് സംഘടനയായ ഹിന്ദു വേൾഡ് കൗൺസിൽ ഇത്തരം ചിത്രങ്ങൾ പോസ്റ്റ് ചെയ്യാൻ അനുവദിച്ചതിന് ഫേസ്ബുക്കിനും, ട്വിറ്ററിനും എതിരായ പൊലീസിൽ പരാതി നൽകിയിട്ടുണ്ട്. റിഹാനയുടെ സമൂഹ മാധ്യമങ്ങൾക്കെതിരെ നടപടി സ്വീകരിക്കാനും ഹിന്ദു വേൾഡ് കൗൺസിൽ ആവശ്യപ്പെട്ടിട്ടുണ്ട്.
റിഹാന രാജ്യത്ത് നടക്കുന്ന കർഷക സമരത്തിന് പിന്തുണ അറിയിച്ച് കുറച്ചു ദിവസത്തിനുള്ളിലാണ് ഈ പുതിയ ഫോട്ടോ ഷൂട്ട് ചിത്രം പുറത്തുവരുന്നത്. റിഹാന ട്വിറ്ററിന് പുറമെ ഇൻസ്റ്റഗ്രാമിലും ചിത്രം പോസ്റ്റ് ചെയ്തിട്ടുണ്ട്. നിരവധി പേരാണ് റിഹാനയ്ക്കെതിരായി ട്വീറ്റ് ചെയ്തിരിക്കുന്നത്. എന്നാൽ റിഹാന ഇതിന് മുമ്പും ഗണപതിയുടെ രൂപത്തിലുള്ള ഡൈമണ്ട് ലോക്ക്റ്റ് ധരിച്ചിട്ടുണ്ട്. 2019ൽ ലാവെന്റർ നിറത്തിലുള്ള വേഷം ധരിച്ച് താരം ഇതേ ലോക്കറ്റ് ധരിച്ച് നിൽക്കുന്ന ഫോട്ടോ ഇൻസ്റ്റഗ്രാമിൽ പോസ്റ്റ് ചെയ്തിട്ടുണ്ട്. ന്യൂയോർക്കിൽ റിഹാനയുടെ ഗോഡ് ഡോട്ടറായ മെജസ്റ്റിയുടെ അഞ്ചാം പിറന്നാൾ ആഘോഷത്തിന് പോയപ്പോഴാണ് ഈ ലോക്കറ്റ് ധരിച്ചിരുന്നത്. പുതിയ ഫോട്ടോ ഷൂട്ടിൽ റിഹാന ധരിച്ചിരിക്കുന്ന വേഷവും ലാവെന്റർ നിറത്തിലുള്ളതാണ്. അതിനാലായിരിക്കാം താരം ഈ ലോക്കറ്റ് ധരിച്ചതെന്നും റിപ്പോർട്ടുകൾ പറയുന്നുണ്ട്.
കേന്ദ്ര സർക്കാരിനെതിരെ സമരം ചെയ്യുന്ന കർഷകർക്ക് പിന്തുണ അറിയിച്ചത് മുതലാണ് റിഹാന സംഘപരിവാറിന്റെ ശത്രുവായി മാറുന്നത്. റിപ്പബ്ലിക് ദിനത്തിൽ നടന്ന കർഷക പ്രക്ഷോഭത്തെ തുടർന്ന് ഡൽഹിയിലെ ചില ഭാഗങ്ങളിൽ കേന്ദ്ര സർക്കാർ ഇന്റർനെറ്റ് വിലക്കിയിരുന്നു. അതുമായി ബന്ധപ്പെട്ട വാർത്ത പങ്കുവെച്ചു കൊണ്ടാണ് റിഹാന ‘ഇതിനെ കുറിച്ചെന്താണ് ആരും ഒന്നും സംസാരിക്കാത്തത്' എന്ന് ട്വീറ്റ് ചെയ്തത്. ട്വീറ്റ് ചെയ്ത് നിമിഷങ്ങൾക്കകം തന്നെ നിരവധി പേരാണ് ടീറ്റ് റീ ട്വീറ്റ് ചെയ്തത്. റിഹാനയുടെ ഒരൊറ്റ് ട്വീറ്റു കൊണ്ട് രാജ്യത്തെ കർഷക സമരം ആഗോളതലത്തിൽ ശ്രദ്ധിക്കപ്പെടുകയായിരുന്നു.
പിന്നീട് ഗ്രെറ്റ് തുൻബെർഗ് എന്ന പരിസ്ഥിതി പ്രവർത്തക, യു എസ് വൈസ് പ്രസിഡന്റ് കമല ഹാരിസിന്റെ മരുമകൾ മീന ഹാരിസ് എന്നിങ്ങനെ നിരവധി പ്രമുഖരാണ് കർഷകർക്ക് പിന്തുണ അറിയിച്ച് രംഗത്തെത്തിയത്. ബോളിവുഡ് താരം കങ്കണ റണാവത്താണ് ആദ്യമായി റിഹാനയെ വിമർശിച്ചത്. പിന്നീട് ഇന്ത്യൻ ക്രിക്കറ്റർ സച്ചിൻ ടെൻടൂൽക്കർ അടക്കം നിരവധി പ്രമുഖർ റിഹാനയ്ക്കെതിരെ വിമർശനവുമായി രംഗത്തെത്തി. ഇന്ത്യയുടെ ആഭ്യന്തര കാര്യങ്ങളിൽ പുറത്തു നിന്നുള്ളവർ ഇടപെടേണ്ട ആവശ്യമില്ലെന്നായിരുന്നു ഇവരുടെ അഭിപ്രായം.




