മുംബൈ: ഇന്ത്യൻ ക്രിക്കറ്റ് താരം ഋഷഭ് പന്തും ബോളിവുഡ് നടി ഉർവശി റൗട്ടാലയും തമ്മിലുള്ള വാക്‌പോര് വീണ്ടും വാർത്തകളിൽ നിറയുന്നു. ഇരുവരും തമ്മിൽ പ്രണയത്തിലായിരുന്നുവെന്ന് നേരത്തേ ദേശീയ മാധ്യമങ്ങൾ റിപ്പോർട്ട് ചെയ്തിരുന്നു. ഇന്ത്യൻ ക്രിക്കറ്റ് ടീമിലെ സ്ഥിരസാന്നിധ്യമാകും മുമ്പായിരുന്നു ഈ പ്രണയമെന്നും പിന്നീട് ഇരുവരും വഴിപിരിഞ്ഞെന്നും ആ റിപ്പോർട്ടുകളിലുണ്ടായിരുന്നു. ഇതിന് പിന്നാലെ ഒരു അഭിമുഖത്തിൽ ഉർവശി പന്തിനെതിരേ നടത്തിയ പരാമർശമാണ് വിവാദങ്ങൾക്ക് തുടക്കമിട്ടത്.

തുടർന്ന് ഇന്ത്യൻ താരം നടിക്കെതിരേയും രംഗത്തെത്തിയിരുന്നു. ഇതിന് പിന്നാലെ വീണ്ടും പന്തിന് മറുപടിയുമായി രംഗത്തെത്തിയിരിക്കുകയാണ് ഉർവശി. കൊച്ചു സഹോദരൻ ക്രിക്കറ്റ് കളിച്ചാൽ മതിയെന്ന് ഉർവശി തന്റെ സോഷ്യൽ മീഡിയാ അക്കൗണ്ടുകളിൽ കുറിച്ചു. പിള്ളേരുമായി കളിച്ചുനിൽക്കാൻ സമയമില്ലെന്നും നിന്നെപ്പോലൊരു കുട്ടി കാരണം ഞാൻ ലജ്ജിക്കില്ലെന്നും ഉർവശി സോഷ്യൽ മീഡിയയിൽ കുറിച്ചു. നിനക്ക് എന്റെ രക്ഷാബന്ധൻ ആശംസകൾ എന്നും താരം കുറിപ്പിൽ പറയുന്നുണ്ട്.

ഹോട്ടൽ ലോബിയിൽ 'ആർപി' എന്നൊരാൾ തനിക്കായി മണിക്കൂറുകളോളം കാത്തിരുന്നുവെന്നും എന്നാൽ തിരക്കുമൂലം അദ്ദേഹത്തെ കാണാനായില്ലെന്നുമാണ് ഉർവശി നേരത്തെ അഭിമുഖത്തിൽ പറഞ്ഞത്. പിന്നീട് മുംബൈയിൽവെച്ച് ഇയാളെ കണ്ടുമുട്ടിയെന്നും നടി വ്യക്തമാക്കിയിരുന്നു. ഇതിൽ നടി വിശേഷിപ്പിക്കുന്ന 'ആർപി' ഋഷഭ് പന്താണെന്ന തരത്തിൽ റിപ്പോർട്ടുകൾ വ്ന്നു.

ഇതോടെ മറുപടിയുമായി ഋഷഭ് പന്ത് രംഗത്തെത്തുകയായിരുന്നു. 'വാർത്തകളിൽ ഇടം പിടിക്കാനായി ആളുകൾ നുണ പറയുന്നതു കാണുമ്പോൾ തമാശ തോന്നുന്നു. കേവലം പ്രശസ്തിക്കുവേണ്ടിയാണിത്. പേരിനും പ്രശസ്തിക്കും വേണ്ടി ആളുകൾ ദാഹിക്കുന്നതുകാണുമ്പോൾ സങ്കടം തോന്നുന്നു. ദൈവം അവരെ അനുഗ്രഹിക്കട്ടെ'- എന്ന് ഇൻസ്റ്റാഗ്രാം സ്റ്റോറിയിലൂടെ പന്ത് പ്രതികരിച്ചു. 'എന്നെ വെറുതേ വിടൂ സഹോദരി, നുണ പറയുന്നതിന് ഒരു പരിധിയുണ്ട്' എന്നിങ്ങനെയുള്ള ഹാഷ്ടാഗുകളും ഈ കുറിപ്പിനൊപ്പമുണ്ടായിരുന്നു. പിന്നീട് ഈ ഇൻസ്റ്റാ സ്റ്റോറി പന്ത് കളയുകയും ചെയ്തു.

അടുത്തിടെ നടൽകി ഒരു അഭിമുഖത്തിലാണ് ഉർവശി ആർ പി എന്ന പേരുള്ള ഒരാളെ താൻ മണിക്കൂറുകളോളം കാത്തിരുത്തിയ കാര്യവും ഫോൺ എടുക്കാതിരുന്ന സംഭവവും വെളിപ്പെടുത്തിയത്.

'ഞാൻ വാരണസിയിൽ ഷൂട്ടിങ്ങിലായിരുന്നു. അതിനിടയിൽ ഡൽഹിയിൽ ഒരു ഷോ ചെയ്യാനുണ്ടായിരുന്നു. അതുകൊണ്ട് വാരണസിയിൽ നിന്ന് നേരെ ഡൽഹിയിലേക്ക് വിമാനം കയറി. അവിടെ ഒരു ദിവസം മുഴുവൻ ഷൂട്ടിങ്ങുണ്ടായിരുന്നു. രാത്രിയിലാണ് വാരണസിയിൽ തിരിച്ചെത്തിയത്. അതിനിടയിലാണ് ഒരാൾ കാണാൻ വന്നിട്ടുണ്ടെന്നും ഹോട്ടൽ ലോബിയുണ്ടെന്നും ജീവനക്കാരൻ വന്നു പറഞ്ഞത്. എന്നാൽ ആകെ ക്ഷീണിതയായ ഞാൻ അവരെ കാണാനുള്ള മാനസികാവസ്ഥയിലായിരുന്നില്ല. ഉറങ്ങിയതുമാത്രമേ എനിക്ക് ഓർമയുള്ളു. അടുത്ത ദിവസം രാവിലെ ഫോണെടുത്തു നോക്കിയപ്പോൾ അതിൽ 17 മിസ്സ്ഡ് കോൾ. എനിക്ക് എന്തോ കുറ്റബോധം തോന്നി. അത്രയും നേരം കാത്തിരുന്നിട്ടും ഞാൻ കാണാൻ പോയില്ലല്ലോ. ഞാൻ ഉടനെത്തന്നെ അദ്ദേഹത്തെ വിളിച്ചു. ഇനി മുംബൈയിൽ വരുമ്പോൾ കാണാം എന്ന് അറിയിച്ചു. അങ്ങനെ മുംബൈയിൽ ഞങ്ങൾ കണ്ടുമുട്ടുകയും ചെയ്തു.' ഉർവശി പറയുന്നു.

അഭിമുഖത്തിനിടെ 'ആർപി' ആരാണെന്ന് വെളിപ്പെടുത്താമോ എന്ന് അവതാരകൻ ചോദിക്കുന്നുണ്ട്. എന്നാൽ അദ്ദേഹത്തിന്റെ പേര് പറയാൻ താത്പര്യമില്ലെന്നാണ് ഉർവശി മറുപടി നൽകുന്നത്.

റിഷഭ് പന്തിന്റെ പേര് ഉർവശി തുറന്നു പറഞ്ഞില്ലെങ്കിലും ഇരുവരും തമ്മിലുള്ള ഗോസിപ്പുകൾ അറിയാവുന്ന ആരാധകർ അത് റിഷഭ് പന്ത് തന്നെയാണെന്ന് ഉറപ്പിച്ചു. ഇതിന് പിന്നാലെയാണ് ഇൻസ്റ്റഗ്രാം സ്റ്റോറിയിൽ റിഷഭ് പറഞ്ഞതായുള്ള സ്‌ക്രീൻ ഷോട്ടുകൾ പ്രചരിച്ചത്. അഭിമുഖങ്ങളിൽ ആളുകൾ ഇങ്ങനെ പച്ചക്കള്ളം പറയുന്നത് കാണാൻ രസമാണ്. പ്രശസ്തയാവാനും തലക്കെട്ടിൽ ഇടം നേടാനുമായിരിക്കും ഇങ്ങനെയൊക്കെ പറയുന്നത്. പ്രശസ്തിക്കുവേണ്ടിയുള്ള ചിലരുടെ ശ്രമം കാണുമ്പോൾ വിഷമമുണ്ടെന്ന് ദൈവം അവരെ അനുഗ്രഹിക്കട്ടെ എന്നുമായിരുന്നു റിഷഭ് പന്തിന്റെ ഇൻസ്റ്റഗ്രാം സ്റ്റോറിയായി പ്രചരിച്ചത്.

ഏഴ് മിനിറ്റിനകം ഈ സ്റ്റോറി കാണാതാവുകയും ചെയ്തു. '#merapichachorhobehen' and '#jhutkibhilimithotihai' എന്നീ ഹാഷ് ടാഗുകളും സ്റ്റോറിയിൽ ഉണ്ടായിരുന്നു. എന്തായാലും അഭിമുഖത്തിലെ ഉർവശിയുടെ കമന്റും റിഷഭ് പന്തിന്റേതേന്ന പേരിൽ പ്രചരിക്കുന്ന സ്‌ക്രീൻ ഷോട്ടും ഇരുവരും തമ്മിലുള്ള ബന്ധം വീണ്ടും ആരാധകർക്കിടയിൽ ചർച്ചയാക്കിയിട്ടുണ്ട്.

ഇരുവരേയും ചേർത്ത് സോഷ്യൽ മീഡിയയിൽ നിരവധി പോസ്റ്റുകൾ നേരത്തെ പ്രത്യക്ഷപ്പെട്ടിരുന്നു. ഐപിഎൽ കാണാനെത്തിയ ഉർവശിയുടെ ചിത്രം പോസ്റ്റ് ചെയ്ത് 'ഇന്ന് ഋഷഭ് പന്ത് ഫോമിലെത്തും' എന്ന തരത്തിലായിരുന്നു പോസ്റ്റുകൾ പ്രത്യക്ഷപ്പെട്ടിരുന്നത്.

ന്യൂസ് ഡെസ്‌ക്‌

    ന്യൂസ് ഡെസ്‌ക്‌