ന്യൂഡൽഹി: ആർകെ പുരം സെന്റ് പീറ്റേഴ്‌സ് സീറോ മലബാർ ഇടവകയുടെ ക്രിസ്മസ് ആഘോഷങ്ങൾ  17 ന് (വ്യാഴം) വൈകുന്നേരം മുതൽ സെന്റ് പീറ്റേഴ്‌സ് ഭവൻ ബർസാറയിൽ വികാരി ഫാ. പയസ് മലേകണ്ടത്തിൽ ഉദ്ഘാടനം ചെയ്യുന്നതോടെ തുടക്കം കുറിക്കും.

തുടർന്നു കരോൾ ടീം വീടുകൾ സന്ദർശിക്കും. ഈ വർഷത്തെ കരോൾ സർവീസിന്റെ കൺവീനർമാർ കൈക്കാരന്മാരായ റെജി മാത്യൂസും സിറിയക് ജോണുമാണ്.

21ന് വൈകുന്നേരം അഞ്ചു മുതൽ രാത്രി 7.30 വരെ സെന്റ് തോമസ് ദേവാലയത്തിൽ മലയാളം ഉൾപ്പെടെ വിവിധ ഭാഷകളിൽ കുമ്പസാരിക്കാനുള്ള സൗകര്യം ഉണ്ടായിരിക്കും.

ക്രിസ്മസ് ആഘോഷങ്ങൾ 24ന് വൈകുന്നേരം 6.30ന് ആർകെ പുരം സെക്ടർ രണ്ടിലുള്ള സെന്റ് തോമസ് ദേവാലയത്തിൽ നടക്കും. കരോൾ സർവീസ്, ടാബ്ലോ, വിശുദ്ധ കുർബാന, കേക്ക് കട്ടിങ്, എല്ലാ ദിവസവും കരോൾ പങ്കെടുക്കുന്നവർക്കുള്ള സമ്മാന വിതരണം, കേക്ക് വിതരണം എന്നിവ നടക്കും.