ലോക്ഡൗണിലെ കഥകൾ പറയുന്ന റൂട്ട്മാപ്പ് റിലീസിനൊരുങ്ങുന്നു; ചിത്രത്തിലെ ഗാനം പുറത്ത് വിട്ട് ഷൈൻടോം ചാക്കോ; മികച്ച പ്രതികരണം നേടി മൗനമേ

കൊച്ചി.ലോകമാകെ പിടിച്ചുലച്ച കോവിഡ് മഹാമാരി സമയത്തു അഖിലേന്ത്യ ലോക്‌ഡോൺ സമയത്ത് നടന്ന സംഭവങ്ങളെ കോർത്തിണക്കി ചിത്രീകരിച്ച റൂട്ട്മാപ്പ് എന്ന സിനിമയിലെ ഗാനം പുറത്ത്.നിഖിൽ മാത്യു പാടിയ മൗനമേ എന്ന സോങ്ങ് പ്രശസ്ത സിനിമാതാരം ഷൈൻ ടോം ചാക്കോ ആണ് പുറത്തിറക്കിയത്.

ബിഗ് ബോസിലൂടെ ശ്രദ്ധേയയായ ഏയ്ഞ്ചൽ തോമസിന്റെ ആദ്യ സിനിമയാണിത്. ഷാജു ശ്രീധർ, ബേബി ഭദ്രാ സുമേഷ്, മാസ്റ്റർ തൃദേവ് കിരൺ എന്നിവരും അഭിനയിച്ചിട്ടുണ്ട്. നിഖിൽ മാത്യു ഒരിടവേളക്ക് ശേഷമാണ് മലയാളത്തിലെത്തുന്നത്.മൗനമേ എന്ന ഗാനത്തിന്റെ സംഗീത സംവിധാനം നിർവഹിച്ചിരിക്കുന്നത് അശ്വിൻ വർമയും, ഗാനങ്ങൾ എഴുതിയിരിക്കുന്നത് തമ്പുരൂ ദേവിയും അശ്വിനും ചേർന്നാണ്. ഇതേ ഗാനത്തിന്റെ തന്നെ ഫീമെയിൽ വേർഷൻ പാടിയിരിക്കുന്നത് അഖില ആനന്ദ് ആണ്.

സൂരജ് സുകുമാർ നായർ സംവിധാനം ചെയ്ത റൂട്ട് മാപ്പിൽ സിൻസീർ, ഗോപു കിരൺ, ആനന്ദ് മന്മഥൻ, അപർണ, രാജേശ്വരി, ജോസ്, എയ്ഞ്ചൽ തോമസ്,, ഡിജോ ജോസ് ആന്റണി, നോബി മാർക്കോസ്, തുടങ്ങി ഒരു വലിയ താരനിരക്കൊപ്പം മക്‌ബൂൽ സൽമാനും അഭിനയിച്ചിട്ടുണ്ട്.അടുത്തമാസം തീയേറ്ററുകളിലെത്തും.