മനാമ: നാളെയുടെ വാഗ്ദാനങ്ങളായ കുട്ടികളിലെ വിദ്യാർത്ഥിത്വം വീണ്ടെടുത്ത് അവരിലെ സാമൂഹീകരണം സാധ്യമാക്കുകയെന്ന ലക്ഷ്യവുമായി ' ആകാശം അകലെയല്ല ' എന്ന സന്ദേശത്തിൽ നടക്കുന്ന ആർ.എസ്.സി.സെൻട്രൽ തല വിദ്യാർത്ഥി സമ്മേളനങ്ങൾക്ക് നാളെ വെള്ളി മുഹറഖിൽ തുടക്കമാവും.

പ്രവാസ ലോകത്ത് രക്ഷിതാക്കൾക്കൊപ്പം താമസിക്കുന്ന കുട്ടികളിൽ സാമൂഹിക കടപ്പാടും പൗരബോധവും ഉയർന്ന വ്യക്തിത്വവും വളർത്തിയെടുക്കുന്നതിനായി ആർ.എസ്.സി ഗൾഫിലുടനീളം 55 കേന്ദ്രങ്ങളിലായി നടത്തുന്ന വിദ്യാർത്ഥി സമ്മേളനങ്ങൾ ബഹ്‌റൈനിൽ മുഹറഖ് മനാമ , റിഫ, എന്നീ മൂന്ന് സെൻട്രൽ കേന്ദ്രങ്ങളിലായി ഒക്ടോബർ 19, 26, നവം. 02 തിയ്യതികളിലാണ് നടക്കുന്നത്.

അടച്ചിട്ട ചുറ്റുപാടിൽ വളരുകയും ബഹു സാംസ്‌കാരികതയിൽ കടിഞ്ഞാണില്ലാതെ ഉപകരണ സംസ്‌കാരത്തിലേക്ക് ഉണരുകയും ചെയ്യുന്ന പുതിയ തലമുറ സാമ്പ്രദായിക വിദ്യഭ്യാസത്തിൽ നിന്ന് മാത്രം ജീവിതം പഠിക്കുന്നില്ല.അവർക്ക് ആകാശവും ഭൂമിയും ബന്ധങ്ങളും വികാരങ്ങളും ഭാവനയും വൈഭവങ്ങളും തിരികെ നൽകേണ്ടതുണ്ട്.

സമ്മേളനങ്ങൾ മുന്നോടിയായി വിദ്യാർത്ഥികളുടെ സമഗ്ര പരിശീലനം ലക്ഷ്യം വെച്ച് സ്‌കൈ ടെച്ച്, മാതാപിതാക്കൾക്കായി ബോധവൽക്കരണത്തിനും പാരന്റിങ് പഠനത്തിനും അവസരമൊരുക്കിയുള്ളസ്പർശം, എലൈറ്റ് എന്നിവ വിവിധ കേന്ദ്രങ്ങളിൽ പൂർത്തിയായി.അനുബന്ധ പരിപാടികൾക്ക് സമാപനം കുറിച്ച് നടക്കുന്ന വിദ്യാർത്ഥി സമ്മേളനത്തിന്റെ ഭാഗമായി സ്റ്റുഡന്റ്‌സ് സമ്മിറ്റ് (പ്രതിധിനി സംഗമം), സ്റ്റുഡൻസ് അസംബ്ലി ,സ്റ്റുഡൻസ് സർക്കിൾ പ്രഖ്യാപനം, സ്‌കൈ ടീം സമർപ്പണം, മീറ്റ് ദ ഗസ്റ്റ്, സർഗ്ഗ സന്ധ്യ, പൊതുസമ്മേളനം എന്നിവ നടക്കും. സമ്മേളനത്തിന്റെ ഭാഗമായി വിദ്യാർത്ഥികളുടെ അവകാശ രേഖ പുറത്തിറക്കും.

മുഹറഖ് ജംഇയ്യത്തുൽ ഇസ്ലാഹ് ഓഡിറ്റോറിയത്തിൽ വൈകീട്ട് 4 മണിക്ക് ഐ.സി.എഫ്. നാഷനൽ പ്രസിഡണ്ട് കെ.സി.സൈനുദ്ദീൻ സഖാഫി സമ്മേളനം ഉദ്ഘാടനം ചെയ്യും.ഇന്ത്യൻ സ്‌കൂൾ ചെയർമാൻ പ്രിൻസ് നടരാജൻ മുഖ്യാതിഥിയാവുന്ന സമ്മേളനത്തിൽ ബഹ്‌റൈനിലെ മത സാമൂഹിക സാംസ്‌കാരിക രംഗത്തെ പ്രമുഖർ സംബന്ധിക്കുമെന്നും സംഘാടകർ വാർത്താ സമ്മേളനത്തിൽ പറഞ്ഞു.

പത്രസമ്മേളനത്തിൽ ആർ എസ് സി നാഷനൽ ജനറൽ കൺവീനർ മുഹമ്മദ് വി പി കെ, കലാലയം കൺവീനർ ഫൈസൽ ചെറുവണ്ണൂർ, ടൈയിനിങ് കൺവീനർ നവാസ് പാവണ്ടൂർ, തുടങ്ങിയവരും സെൻട്രൽ നേതൃത്വങ്ങളായ റഷീദ് തെന്നല, ശബീർ മുസല്യാർ (മുഹറഖ്), അഡ്വ. ഷബീർ അലി (മനാമ) ശംസുദ്ധീൻ (റിഫ) എന്നിവർ പങ്കെടുത്തു