അൽ കോബാർ. രിസാല സ്റ്റഡി സർക്കിൾ( ആർ.എസ്.സി) അൽഖോബാർ സെൻട്രൽകമ്മിറ്റിക്ക് കീഴിൽ ഈ വർഷത്തെ ഹജ്ജ് വളണ്ടിയർ സേവനത്തിൽ പങ്കെടുത്തഅമ്പതോളം പേർക്ക് അനുമോദന സദസ്സ് സംഘടിപ്പിച്ചു.ഐ.സി.എഫ് അൽഖോബാ സെൻട്രൽ കമ്മിറ്റി പ്രസിഡന്റ് വാഴവറ്റ സൈനുദ്ധീന്മുസ്ലിയാർ പരിപാടി ഉൽഘാടനം ചെയ്തു പ്രസംഗിച്ചു. ജനങ്ങൾക്ക് ഉപകാരംചെയ്യുന്നവരാണ് നിങ്ങളിൽ ഏറ്റവും ഉത്തമർ എന്ന നബിവചനം അദ്ദേഹം ഓർമിപ്പിച്ചു. ഉമർ സഖാഫി അധ്യക്ഷത വഹിച്ചു.

ഈ വർഷം സൗദിയുടെ വിവിധ ഭാഗങ്ങളിൽ നിന്ന് പരിശീലനം ലഭിച്ച ആയിരത്തോളം വളണ്ടിയര്മാരെയാണ് മിനയിലും പരിസരങ്ങളിലും സേവനങ്ങൾക്കായി ആർ.എസ്. സിനിയോഗിച്ചത്.ഐ.സി.എഫ് അൽ ഖോബാർ സെൻട്രൽ കമ്മിറ്റി സെക്രട്ടറി കെ.കെ അഷ്റഫ് മറ്റുഭാരവാഹികളായ മുഹമ്മദലി പാപ്പിനിശ്ശേരി, സലിം വെളിയങ്കോട് ആർ എസ് സിനാഷണൽ നേതാക്കളായ ഉബൈദ് സഖാഫി, ഷഫീക് ജൗഹരി എന്നിവർ പങ്കെടുത്തു.വിവിധനേതാക്കൾ വളണ്ടിയർമാർക്ക് സര്ട്ടിഫിക്കറ്റുകൾ കൈമാറുകയും ചെയ്തു.

ജനറൽ കൺവീനർ മുഹമ്മദ് സാദിഖ് സ്വാഗതവും വളണ്ടിയർ കോഡിനേറ്റർ ജവാദ് മാവൂർനന്ദിയും പറഞ്ഞു.