ജിദ്ദ: രിസാല സ്റ്റഡി സർക്കിൾ സെൻട്രൽ സ്റ്റുഡൻസ് സമിതി വിദ്യാർത്ഥികൾക്ക് വേണ്ടി സമ്മർ വെൽ എന്ന പേരിൽ പഠന വിനോദ പരിപാടികൾ സംഘടിപ്പിച്ചു. പ്രവാസലോകത്ത് വേനലവധി ചിലവഴിക്കുന്ന ജിദ്ദയിലെ വിവിധ ഭാഗങ്ങളിൽനിന്നുള്ള വിദ്യാർത്ഥികൾ പങ്കെടുത്ത പരിപാടിയിൽ സെൻട്രൽ ഓർഗനൈസിങ്ങ് കൺവീനർ എൻജിനീയർ മൻസൂർ മോട്ടിവേഷൻ ക്ലാസിന് നേതൃത്വം നൽകി.

സാധാരണ പരിപാടികളിൽനിന്ന് വ്യത്യസ്തമായി കുട്ടികൾ തന്നെ പരിപാടിയുടെ സ്വാഗതം മുതൽ നന്ദി വരെയുള്ള സെഷനുകൾ കൈകാര്യം ചെയ്തത് വേറിട്ടൊരു അനുഭവമായി ക്വിസ്, ആസ്വാദനം, കായികവിനോദങ്ങൾ എന്നീ പരിപാടികൾ പ്രവാസി വിദ്യാർത്ഥികളിൽ പുത്തൻ ഉണർവും ആഹ്ലാദവും നൽകി. ആർ എസ് സി സെൻട്രൽ നേതാക്കളായ നൗഫൽ മുസലിയാർ റാഷിദ് മാട്ടൂൽ ഷൗക്കത്ത് മാസ്റ്റർ എന്നിവർ പരിപാടികൾ നിയന്ത്രിച്ചു.