തിരുവനന്തപുരം: സംസ്‌കരിച്ച റബ്ബർ തടിയിൽ നിന്നുള്ള ഉത്പന്നങ്ങൾ, അവയുടെ വിപണനം എന്നിവ സംബന്ധിച്ച ചോദ്യങ്ങൾക്ക് 2020 ഓഗസ്റ്റ് 21 വെള്ളിയാഴ്ച രാവിലെ 10 മുതൽ ഉച്ചയ്ക്ക് ഒരു മണി വരെ മീനച്ചിൽ റബ്ബർവുഡിന്റെ മാനേജിങ് ഡയറക്ടർ ജോജോ ജോസ് മറുപടി പറയും. കോൾസെന്റർ നമ്പർ 0481 2576622. നിത്യജീവിതത്തിൽ ഉപയോഗിക്കാവുന്നതും ഈടുറ്റതും ഭംഗിയുള്ളതുമായ ഫർണിച്ചർ സംസ്‌കരിച്ച റബ്ബർ തടികൊണ്ട് നിർമ്മിക്കാം. റബ്ബർ ബോർഡിന്റെയും റബ്ബറുത്പാദക സംഘങ്ങളുടെയും സംയുക്ത സംരംഭമായ മീനച്ചിൽ റബ്ബർവുഡ് ഈ രംഗത്ത് സജീവമാണ്. റബ്ബർ ബോർഡിന്റെ വിവിധ പദ്ധതികൾ, സേവനങ്ങൾ തുടങ്ങിയവ സംബന്ധിച്ച വിവരങ്ങൾ ബോർഡിന്റെ കോട്ടയത്തുള്ള കേന്ദ്ര ഓഫീസിൽ പ്രവർത്തിക്കുന്ന കോൾസെന്ററിൽ നിന്നു ലഭിക്കും. കോൾസെന്ററിന്റെ പ്രവർത്തനസമയം എല്ലാ പ്രവൃത്തി ദിവസങ്ങളിലും രാവിലെ 9.30 മുതൽ വൈകുന്നേരം 5.30 വരെയാണ്.

റബ്ബർ