ട്രോളി പുകപ്പുര, ടെട്രാപാൻ തുടങ്ങിയവയെക്കുറിച്ച് അറിയാൻ റബ്ബർ ബോർഡ് കോൾസെന്ററിൽ വിളിക്കാം

കോട്ടയം: ഷീറ്റു റബ്ബർ നിർമ്മാണവുമായി ബന്ധപ്പെട്ട ജോലികൾ എളുപ്പമാക്കുന്നതിന് സഹായിക്കുന്ന അടിസ്ഥാനസൗകര്യങ്ങളായ ട്രോളി പുകപ്പുര, ടെട്രാപാൻ തുടങ്ങിയവയെക്കുറിച്ചറിയുന്നതിന് റബ്ബർ ബോർഡിന്റെ കോൾസെന്ററുമായി ബന്ധപ്പെടാം. ഇതു സംബന്ധമായി സംരംഭകർക്കുള്ള സംശയങ്ങൾക്ക് 2021 മാർച്ച് 17ാം തീയതി ബുധനാഴ്ച രാവിലെ 10 മുതൽ ഉച്ചയ്ക്ക് ഒരു മണിവരെ റബ്ബർബോർഡിലെ അസിസ്റ്റന്റ് ഡെവലപ്‌മെന്റ് ഓഫീസർ സി. മാത്യു ജോസഫ് ഫോണിലൂടെ മറുപടി നൽകും. കോൾസെന്റർ നമ്പർ 0481 2576622.

റബ്ബർബോർഡിന്റെ വിവിധപദ്ധതികൾ, സേവനങ്ങൾ എന്നിവയെക്കുറിച്ചുള്ള വിവരങ്ങൾ ബോർഡിന്റെ കോട്ടയത്തുള്ള കേന്ദ്ര ഓഫീസിൽ പ്രവർത്തിക്കുന്ന കോൾസെന്ററിൽനിന്ന് ലഭിക്കും. സെന്ററിന്റെ പ്രവർത്തനസമയം എല്ലാ പ്രവൃത്തി ദിവസങ്ങളിലും രാവിലെ 9.30 മുതൽ വൈകുന്നേരം 5.30 വരെയാണ്.