കോട്ടയം: റബ്ബറിനെ ബാധിക്കുന്ന രോഗങ്ങളുടെയും കീടങ്ങളുടെയും നിയന്ത്രണമാർഗ്ഗങ്ങളെക്കുറിച്ച് റബ്ബർബോർഡ് പരിശീലനം നൽകുന്നു. രോഗകാരണങ്ങളും കീടബാധകളും അവയുടെ നിയന്ത്രണത്തിനുള്ള മരുന്നുകളുടെ ഉപയോഗക്രമങ്ങളുമുൾക്കൊള്ളിച്ചുകൊണ്ടുള്ള ഒരു ദിവസത്തെ പരിശീലനം  25-ന് കോട്ടയത്തുള്ള റബ്ബർ ട്രെയിനിങ് ഇൻസ്റ്റിറ്റിയൂട്ടിൽ വച്ച് നടക്കും. പരിശീലനഫീസ് 400 രൂപ. പട്ടികജാതി-പട്ടിക വർഗ്ഗത്തിൽപെട്ടവർക്ക് ജാതിസർട്ടിഫിക്കറ്റ് ഹാജരാക്കുന്ന പക്ഷം ഫീസിനത്തിൽ 50 ശതമാനം ഇളവു ലഭിക്കും. കൂടാതെ, റബ്ബറുത്പാദകസംഘത്തിൽ അംഗങ്ങളായിട്ടുള്ളവർക്ക് അംഗത്വസർട്ടിഫിക്കറ്റു ഹാജരാക്കിയാൽ ഫീസിൽ 25 ശതമാനം ഇളവു ലഭിക്കുന്നതാണ്.

പങ്കെടുക്കുന്നതിന്  പരിശീലനഫീസ് ഡയറക്ടർ (ട്രെയിനിങ്), റബ്ബർ ട്രെയിനിങ് ഇൻസ്റ്റിറ്റിയൂട്ട്, കോട്ടയം - 686 009 എന്ന പേരിൽ മണിയോർഡർ / ഡിമാന്റ് ഡ്രാഫ്റ്റ് / അക്കൗണ്ട്ട്രാൻസ്ഫർ (സെൻട്രൽ ബാങ്ക് ഓഫ് ഇന്ത്യയുടെ ഐ.എഫ്.എസ്. കോഡ് - CBIN 0284156 അക്കൗണ്ട് നമ്പർ 1450300184 ലേക്ക്) ആയി അടച്ചതിന്റെ നമ്പർ, തീയതി, അപേക്ഷകന്റെ  ഫോൺ നമ്പർ എന്നിവ സഹിതം ഇമെയിലായോ (training@rubberboard.org.in) നേരിട്ടോ അപേക്ഷിക്കാം. കൂടുതൽ വിവരങ്ങൾക്ക് ഫോൺ 0481- 2351313, 2353127.