റബ്ബർ മലിനജലസംസ്‌കരണം, മലിനീകരണനിയന്ത്രണം എന്നിവയിൽ റബർ ബോർഡ് പരിശീലനം
കോട്ടയം: റബ്ബറുത്പാദനവേളയിലുണ്ടാകുന്ന മലിനജലത്തിന്റെ സംസ്‌കരണം, മലിനീകരണനിയന്ത്രണം എന്നിവയിലുള്ള പരിശീലനം ഡിസംബർ 14 മുതൽ 16 വരെ കോട്ടയത്തുള്ള റബ്ബർ ട്രെയിനിങ് ഇൻസ്റ്റിറ്റിയൂട്ടിൽ വച്ചു നടക്കും. പരിശീലനഫീസ് 1200 രൂപ (14.5 ശതമാനം സേവനനികുതി പുറമെ). പട്ടികജാതി-പട്ടികവർഗ്ഗത്തിൽപെട്ടവർക്ക,് ജാതിസർട്ടിഫിക്കറ്റ് ഹാജരാക്കുന്ന പക്ഷം, ഫീസിന
കോട്ടയം: റബ്ബറുത്പാദനവേളയിലുണ്ടാകുന്ന മലിനജലത്തിന്റെ സംസ്‌കരണം, മലിനീകരണനിയന്ത്രണം എന്നിവയിലുള്ള പരിശീലനം ഡിസംബർ 14 മുതൽ 16 വരെ കോട്ടയത്തുള്ള റബ്ബർ ട്രെയിനിങ് ഇൻസ്റ്റിറ്റിയൂട്ടിൽ വച്ചു നടക്കും. പരിശീലനഫീസ് 1200 രൂപ (14.5 ശതമാനം സേവനനികുതി പുറമെ). പട്ടികജാതി-പട്ടികവർഗ്ഗത്തിൽപെട്ടവർക്ക,് ജാതിസർട്ടിഫിക്കറ്റ് ഹാജരാക്കുന്ന പക്ഷം, ഫീസിനത്തിൽ 50 ശതമാനം ഇളവു ലഭിക്കുന്നതാണ്. താമസസൗകര്യത്തിന് പ്രതിദിനം 250 രൂപ അധികമായി നൽകണം.
പരിശീലനത്തിൽ പങ്കെടുക്കാൻ താൽപര്യമുള്ളവർ വെള്ളക്കടലാസിൽ തയ്യാറാക്കിയ അപേക്ഷയോടൊപ്പം ഫീസ് ഡയറക്ടർ (ട്രെയിനിങ്) എന്ന പേരിൽ കോട്ടയത്തു മാറാവുന്ന ഡിമാന്റ് ഡ്രാഫ്റ്റ് ആയോ, മണിയോർഡർ ആയോ ഡയറക്ടർ (ട്രെയിനിങ്), റബ്ബർബോർഡ് പി.ഒ., കോട്ടയം-9, കേരളം എന്ന വിലാസത്തിൽ അയയ്ക്കണം. സെൻട്രൽ ബാങ്ക് ഓഫ് ഇന്ത്യ (ഐ.എഫ്.എസ്. കോഡ് - CBIN 0284156)യുടെ 1450300184 എന്ന അക്കൗണ്ട് നമ്പറിലേക്ക് നേരിട്ടും ട്രാൻസ്ഫർ ചെയ്യാം. അപേക്ഷയിൽ പണമടച്ച രീതി, രസീതിന്റെ നമ്പർ, തീയതി തുടങ്ങിയ വിശദാംശങ്ങളും അപേക്ഷകന്റെ ഫോൺ നമ്പരും ചേർത്തിരിക്കണം.
വിവരങ്ങൾ ഇമെയിലായി training@rubberboard.org.in -ലേക്ക് നേരിട്ടയയ്ക്കാവുന്നതുമാണ്. കൂടുതൽ വിവരങ്ങൾക്ക് 0481- 2353325, 2353127 എന്നീ ടെലിഫോൺ നമ്പരികളിൽ ബന്ധപ്പെടാം.
