ഡാലസ്: 2021 മെയ് ഒന്നാം തീയതി ശനിയാഴ്ച രാവിലെ സംഘടിപ്പിക്കുന്ന നൂറ്റിയമ്പത്തിയൊ മ്പതാമത് അമേരിക്കൻ മലയാളി സാഹിത്യ സല്ലാപം 'സരോജാ വർഗീസിനോടൊപ്പം' എന്ന പേരിലാണ് നടത്തുന്നത്. പ്രമുഖ എഴുത്തുകാരിയും സാമൂഹിക പ്രവർത്തകയും പ്രസിഡണ്ട് ജോ ബൈഡന്റെ പ്രധാന സുരക്ഷാ ഉദ്യോഗസ്ഥന്റെ മാതാവുമായ സരോജാ വർഗീസിനെപ്പറ്റി കൂടുതൽ അറിയുവാനും മനസ്സിലാക്കുവാനുമുള്ള ഈ അവസരം അമേരിക്കൻ മലയാളികൾക്ക് സല്ലാപത്തിൽ പങ്കെടുത്ത് പരമാവധി പ്രയോജനപ്പെടുത്താവുന്നതാണ്.

അമേരിക്കൻ മലയാളികളുമായി ബന്ധപ്പെട്ട മറ്റു സാമൂഹിക സാഹിത്യ സാംസ്‌കാരിക ഭാഷാ വിഷയങ്ങൾ സമഗ്രമായി ചർച്ച ചെയ്യുവാനും താത്പര്യമുള്ള സഹൃദയരായ എല്ലാ നല്ല ആളുകളെയും ഭാഷാസ്‌നേഹികളെയും അമേരിക്കൻ മലയാളി സാഹിത്യ സല്ലാപത്തിലെയ്ക്ക് ഹാർദ്ദമായി സ്വാഗതം ചെയ്യുന്നതായി ഭാരവാഹികൾ അറിയിച്ചു.

2021 ഏപ്രിൽ മൂന്നാം തീയതി ശനിയാഴ്ച സംഘടിപ്പിച്ച നൂറ്റിയമ്പത്തിയെട്ടാമത് അമേരിക്കൻ മലയാളി സാഹിത്യ സല്ലാപം 'ശ്രീദേവി കൃഷ്ണനോടൊപ്പം' എന്ന പേരിലാണ് നടത്തിയത്. ഇന്ത്യയിൽ ഏറെ വർഷങ്ങൾ കോളേജ് അദ്ധ്യാപികയായി ജോലി ചെയ്ത് ഇപ്പോൾ അമേരിക്കയിലെ സാൻഫ്രാൻസിസ്‌കോയിൽ വിശ്രമ ജീവിതം നയിക്കുന്ന ആളാണ് സല്ലാപത്തിൽ പ്രധാന സന്ദേശം നൽകിയ പ്രൊഫ. ശ്രീദേവി കൃഷ്ണൻ. 2016-ൽ ഗിന്നസ് വേൾഡ് റെക്കോർഡിൽ സ്ഥാനം പിടിച്ച ഏറ്റവും വലിയ ക്രോഷെ ബ്ലാങ്കെറ്റ് നിർമ്മിച്ച മദർ ഇന്ത്യ ക്രോഷെ ക്വീൻസ് സംഘത്തിലെ അംഗമായിരുന്നു. മ്യുസിങ്ങ്‌സ് ഓഫ് എ സെൻസിറ്റീവ് ഇന്ത്യൻ വുമൺ, സിലിക്കൺ കാസ്സിൽ, യു മേ ബി റൈറ്റ്, ഐ മേ ബി ക്രേസി ആൻഡ് അദർ സ്റ്റോറീസ് എന്നീ മൂന്നു പുസ്തകങ്ങൾ ഇംഗ്ലീഷിൽ പ്രസിദ്ധീകരിച്ചു. സമൂഹത്തിന്റെ സാംസ്‌കാരിക ക്ലേശങ്ങൾ പ്രതിപാദിക്കുന്ന 'സിലിക്കൺ കാസ്സിൽ' ഇംഗ്ലീഷ് ചലച്ചിത്രമായി പകർത്തപ്പെട്ടിട്ടുമുണ്ട്. ശ്രീദേവി കൃഷ്ണനെ കൂടുതൽ അറിയുവാനും മനസിലാക്കുവാനും ഈ സല്ലാപം ഉപകരിച്ചു.

ഈ സല്ലാപത്തിൽ, അടുത്ത കാലത്ത് അന്തരിച്ച അഭിവന്ദ്യ ഡോ. യോഹന്നാൻ ശങ്കരത്തിൽ കോറെപ്പിസ്‌കോപ്പനുസ്മരണവും നടത്തുകയുണ്ടായി. ശങ്കരത്തിലച്ചൻ അമേരിക്കൻ മലയാളി സമൂഹത്തിൽ ചെലുത്തിയ സ്വാധീനം വളരെ വലുതും പ്രസക്തവുമാണെന്ന് സല്ലാപത്തിൽ പങ്കെടുത്തവർ അഭിപ്രായപ്പെടുകയുണ്ടായി. അഭിവന്ദ്യ ഡോ. യോഹന്നാൻ ശങ്കരത്തിൽ കോറെപ്പിസ്‌കോപ്പയുടെ വിയോഗത്തിൽ അമേരിക്കൻ മലയാളി സാഹിത്യ സല്ലാപം അനുശോചനം അറിയിച്ചു.

ഡോ. തെരേസ ആന്റണി, ഡോ. രാജൻ മർക്കോസ്, തമ്പി ആന്റണി, പ്രേമ തെക്കേക്ക്, ജോൺ ആറ്റുമാലിൽ, ജോർജ്ജ് വർഗീസ്, മാത്യു നെല്ലിക്കുന്ന്, ഗീതാ ജോർജ്ജ്, ജോസഫ് പൊന്നോലി, യു. എ. നസീർ, തോമസ് എബ്രഹാം, രാജു തോമസ്, ശാന്ത രാജു തോമസ്, ജോൺസൺ, വർഗീസ് എബ്രഹാം ഡെൻവർ, ജേക്കബ് കോര, ജീനു കുമരകം, തോമസ് എബ്രഹാം, ജോസഫ് മാത്യു, തോമസ് കൂവള്ളൂർ, വർഗീസ് ജോയി, ജിബി ജോൺ, പി. പി. ചെറിയാൻ, ജെയിംസ് കുരീക്കാട്ടിൽ, സി. ആൻഡ്‌റൂസ്, ജയിൻ മുണ്ടയ്ക്കൽ എന്നിവർ സാഹിത്യ സല്ലാപത്തിൽ സജീവമായി പങ്കെടുത്തു. അമേരിക്കയിലെ വിവിധ ഭാഗങ്ങളിൽ നിന്നായി ധാരാളം ശ്രോതാക്കളും ഉണ്ടായിരുന്നു.

എല്ലാ മാസത്തിലെയും ആദ്യ ശനിയാഴ്ചയിലായിരിക്കും അമേരിക്കൻ മലയാളി സാഹിത്യ സല്ലാപം നടത്തുന്നത്. സല്ലാപത്തിൽ പങ്കെടുക്കുവാൻ എല്ലാ ആദ്യശനിയാഴ്ചയും രാവിലെ പത്തു മുതൽ പന്ത്രണ്ട് വരെ (ഈസ്റ്റേൺ സമയം) നിങ്ങളുടെ ടെലിഫോണിൽ നിന്നും താഴെ കൊടുത്തിരിക്കുന്ന ടെലിഫോൺ നമ്പരിലേയ്ക്ക് വിളിക്കാവുന്നതാണ് .....

1-857-232-0476 കോഡ് 365923

ടെലിഫോൺ ചർച്ചയിൽ പങ്കെടുക്കുന്ന എല്ലാവർക്കും ചോദ്യങ്ങൾ ചോദിക്കാൻ അവസരം ഉണ്ടായിരിക്കും. jain@mundackal.com, sahithyasallapam@gmail.com എന്ന ഇ-മെയിൽ വിലാസങ്ങളിൽ ചർച്ചയിൽ അവതരിപ്പിക്കാൻ താത്പര്യമുള്ള വിഷയങ്ങളും ചോദ്യങ്ങളും മുൻകൂറായി അയച്ചു കൊടുക്കാവുന്നതാണ്. കൂടുതൽ വിവരങ്ങൾക്ക് ബന്ധപ്പെടുക: 813-389-3395 / 972-505-2748

 

സാഹിത്യ സല്ലാപം