ഷിക്കാഗോയിൽ സാഹിത്യവേദി യോഗം ഫെബ്രുവരി അഞ്ചിന്
ഷിക്കാഗോ: 2021ലെ ആദ്യ സാഹിത്യ വേദി യോഗം ഫെബ്രുവരി മാസം അഞ്ചാം തീയതി, വെള്ളിയാഴ്ച ഷിക്കാഗോ സമയം വൈകുന്നേരം 7:30 നു സൂം വെബ് കോൺഫറൻസ് വഴിയായി കൂടുന്നതാണ്.(Zoom Meeting Link https://us02web.zoom.us/j/81475259178Meeting ID: 814 7525 9178)
ഡിസംബർ മാസ സാഹിത്യ വേദിയിൽ 'വിശ്വസാഹിത്യത്തിന്റെ ഉദയവും പരിണാമവും' എന്ന വിഷയത്തെ അധികരിച്ചു കാനഡയിൽ നിന്നുള്ള ജോ ജോസഫ് പ്രബന്ധം അവതരിപ്പിച്ചു. ആധികാരികമായ നിരവധി ചരിത്ര വസ്തുതകൾ പ്രദർശിപ്പിച്ചു അദ്ദേഹം നടത്തിയ പ്രസംഗം പങ്കെടുത്തവർക്ക് പുതിയ വിജ്ഞാനം പ്രദാനം ചെയ്യുന്നതായിരുന്നു.
ഇത്തവണത്തെ സാഹിത്യവേദിയിൽ 'കാളിദാസ കൃതികൾ' എന്ന വിഷയത്തെ ആസ്പദമാക്കി ഡോ. കരുണാകരൻ സംസാരിക്കുന്നതാണ്. കാളിദാസനെപ്പറ്റിയുള്ള ഐതിഹ്യങ്ങളും കാളിദാസകൃതികളുടെ മലയാള സാഹിത്യത്തിലെ സ്വാധീനവും കാളിദാസ കാവ്യങ്ങളുടെ അവലോകനവുമായിരിക്കും ഉള്ളടക്കം. കഴിഞ്ഞ നാൽപതു വർഷമായി ഡോ. കരുണാകരൻ മിഷിഗണിലെ സാഗിനാ സിറ്റിയിൽ ജനറൽ സർജനായി സേവനമനുഷ്ഠിക്കുന്നു.
എല്ലാ സാഹിത്യ സ്നേഹികളെയും ഫെബ്രുവരി മാസ സാഹിത്യ സമ്മേളനത്തിലേക്ക് സഹർഷം സ്വാഗതം ചെയ്യുന്നു.കൂടുതൽ വിവരങ്ങൾക്ക്: ഡോ. കരുണാകരൻ 989 928 5774, അനിലാൽ ശ്രീനിവാസൻ 630 400 9735 , പ്രസന്നൻ പിള്ള 630 935 2990, ജോൺ ഇലക്കാട് 773 292 8455.
