ഡബ്ലിൻ: അയർലണ്ടിലെ സ്ത്രീ സംഘടനയായ സഖി ഒന്നാം വാർഷികത്തിലേക്ക്. കൃത്യമായ  വീക്ഷണത്തോടടു കൂടി  കാര്യങ്ങളെ സമീപിക്കുന്ന സ്ത്രീ സംഘടനയായ  സഖി ഒന്നാം വാർഷികത്തിലെത്തുമ്പോൾ ഇതിനോടകം തന്നെ വിവിധ മേഖലകളിൽ പ്രവർത്തനം കാഴ്ച വച്ചിട്ടുണ്ട്.

സാമൂഹ്യ പ്രവർത്തനം  സമൂഹ നന്മയ്ക്ക്  എന്ന മുദ്രാവാക്യവുമായി തുടങ്ങിയ  സഖിയുടെ ആദ്യ സംരംഭം  HARROLD CROSS എന്ന പാലിയേറ്റീവ് കെയറിന്റെ ധനശേഖരണവുമായി ബന്ധപെട്ടു നടത്തിയ bewleys കോഫി മോർണിങ് ആയിരുന്നു. വളരെ വിജയകരമായി നടത്തിയ ഈ ധനശേഖരണത്തിലൂടെ മാതൃക പരമായ ഒരു സംഘടന പ്രവർത്തനത്തിന് സഖി തുടക്കം കുറിച്ചു. അയർലണ്ടിലെ മലയാളി കുടിയേറ്റത്തിന്റെ ഏറ്റവും വലിയ വിഭാഗമായ നേഴ്‌സുമാരുടെ ആവശ്യങ്ങൾ നേടിയെടുക്കാൻ വേണ്ടി നടന്ന സമരങ്ങളിൽ INMOയോട് കൈ കോർക്കാൻ സഖിയുമുണ്ടായിരുന്നു.

ഇന്ന് അയർലണ്ടിലെ വിവിധ പ്രദേശങ്ങളിലായി വിഭിന്ന മേഖലകളിൽ സഖിയുടെ ഗ്രൂപ്പുകൾ പ്രവർത്തിക്കുന്നു. അതിൽ ചിലത്   ബുക്ക് ക്ലബ്, കിഡ്‌സ് ക്ലബ്, ബാഡ്മിന്റൺ ക്ലബ്, കോഫി ക്ലബ്,  വാക്കിങ് ക്ലബ്, ഡാൻസ് ഗ്രൂപ്പ് തുടങ്ങിയവയാണ്. സഖി ഈയ്യിടെ സംഘടിപ്പിച്ച 12 കിലോമീറ്റർ ക്ലിഫ് വാക്കിംഗിനിടയിൽ ഒരു മരം നട്ട് SHADOW OF LIFE എന്ന പ്രകൃതി സ്‌നേഹികളെ സപ്പോർട്ട് ചെയ്യുകയുണ്ടായി.

സ്ത്രീകളുടെ കഴിവുകൾക്ക് മികച്ച അവസരങ്ങളും പ്രോത്സാഹനങ്ങളും നൽകുക എന്നത് സഖിയുടെ ഒരു മുഖ്യ അജൻഡയാണ്.ഒന്നാം വാർഷികം ആഘോഷിക്കുന്നതിന്റെ ഭാഗമായി പ്രവർത്തനങ്ങൾ വിപുലീകരിക്കുന്നതിന്റെ ശ്രമത്തിലാണ് സഖിയുടെ പ്രവർത്തകർ.സഖിയുടെ ആശയങ്ങളുമായി സഹകരിക്കാൻ താല്പര്യമുള്ളവർ സഖിയുടെ പ്രവർത്തകരുമായി ബന്ധപ്പെടണമെന്ന് സംഘാടകർ അറിയിച്ചു. കൂടുതൽ വിവരങ്ങൾക്ക്
 
നിഷ കൃഷ്ണൻ- 0877370115
സുജ ഷാജിത്-0876678756
ചിത്ര നായർ- 0872989561
ഉഷ പണിക്കർ-0876206859.