സാൻഅന്റോണിയോ സെന്റ് ജോർജ് ദേവാലയത്തിൽ പെരുന്നാളും, പരുമല തിരുമേനിയുടെ തിരുശേഷിപ്പ് പ്രതിഷ്ഠയും, കുരിശടി കൂദാശയും
ന്യൂജേഴ്‌സി: സാൻഅന്റോണിയോ സെന്റ് ജോർജ് ഇന്ത്യൻ ഓർത്തഡോക്‌സ് ദേവാലയത്തിൽ ആണ്ടുതോറും ആചരിക്കുന്ന വി. ഗീവർഗീസ് സഹദായുടെ ഓർമ്മപ്പെരുന്നാളും, മലങ്കര സഭയുടെ മഹാപരിശുദ്ധനായ പരുമല തിരുമേനിയുടെ തിരുശേഷിപ്പ് പ്രതിഷ്ഠയും, പുതുതായി പണികഴിപ്പിച്ച പ. ദൈവമാതാവിന്റെ നാമത്തിലുള്ള കുരിശടി കൂദാശയും മെയ് 1, 2, 3(വെള്ളി, ശനി, ഞായർ) തീയതികളിൽ ഇടവക മെത്
ന്യൂജേഴ്‌സി: സാൻഅന്റോണിയോ സെന്റ് ജോർജ് ഇന്ത്യൻ ഓർത്തഡോക്‌സ് ദേവാലയത്തിൽ ആണ്ടുതോറും ആചരിക്കുന്ന വി. ഗീവർഗീസ് സഹദായുടെ ഓർമ്മപ്പെരുന്നാളും, മലങ്കര സഭയുടെ മഹാപരിശുദ്ധനായ പരുമല തിരുമേനിയുടെ തിരുശേഷിപ്പ് പ്രതിഷ്ഠയും, പുതുതായി പണികഴിപ്പിച്ച പ. ദൈവമാതാവിന്റെ നാമത്തിലുള്ള കുരിശടി കൂദാശയും മെയ് 1, 2, 3(വെള്ളി, ശനി, ഞായർ) തീയതികളിൽ ഇടവക മെത്രാപ്പൊലീത്ത അലക്‌സിയോസ് മാർ യൗസേബിയോസ് തിരുമേനിയുടെ മുഖ്യകാർമകത്വത്തിൽ നടത്തപ്പെടും.
മെയ് ഒന്നാം തീയതി വെള്ളിയാഴ്ച വൈകുന്നേരം 6.30-നു സന്ധ്യാനമസ്‌കാരവും, സുവിശേഷ പ്രസംഗവും, രണ്ടാം തീയതി ശനിയാഴ്ച വൈകിട്ട് 5 മണിക്ക് അഭി. തിരുമേനിക്ക് സ്വീകരണവും കുരിശടി കൂദാശയും തുടർന്ന് പരി. പരുമല തിരുമേനിയുടെ തിരുശേഷിപ്പ് പ്രതിഷ്ഠയും നടത്തപ്പെടുന്നു. മൂന്നാംതീയതി ഞായറാഴ്ച രാവിലെ 8.30 മുതൽ പെരുന്നാൾ ശുശ്രൂഷകളും ആശീർവാദവും വച്ചൂട്ട് നേർച്ചയും നടത്തപ്പെടുന്നു. ചടങ്ങുകളിലേക്ക് ഏവരുടേയും പ്രാർത്ഥനാപൂർവ്വമായ സഹകരണം അഭ്യർത്ഥിക്കുന്നു.
കൂടുതൽ വിവരങ്ങൾക്ക് ബന്ധപ്പെടുക: ഫാ. സുനോജ് മാലിയിൽ (വികാരി) 248 688 2122, ജോൺ ആലഞ്ചേരിൽ (ട്രസ്റ്റി) 210 323 9571, ഷാജു അലക്‌സാണ്ടർ (സെക്രട്ടറി) 210 422 5257), ജോയി തോമസ് (പെരുന്നാൾ കൺവീനർ) 210 413 0019.
